Wheatland's Farm House and Chalets

Selfsorg

Winteraanbod 10% af

Kry 10% af. Geldig vir verblyf vanaf 1 Jun 2024 tot 31 Aug 2024.

Kapasiteit: 26 persone
Inkloktyd: 14:00 tot 19:00
Uitkloktyd: 10:00
Adres: Wheatland's Plaas, Johnson's Post, Mosselbaai, 6504, Wes-Kaap
Alle ouderdomme is welkom
Vanaf ~~R880~~ R792 per nag, vir 2 mense

Beskrywing

Wheatland's Farm House and Chalets bied selfsorgverblyf op 'n skaapplaas net 40 km van Mosselbaai af. Verblyf word in 'n plaashuis met slaapplek vir 10 gaste gebied, of in 4 kothuise wat elkeen slaapplek vir 2 volwassenes en 2 kinders het.

Die plaashuis beskik oor 3 slaapkamers en 2 badkamers en 'n aparte woonstel. Die hoofslaapkamer het 'n koninggrootte-bed en 'n en suite-badkamer met 'n bad, stort, wasbak en toilet. Die ander 2 slaapkamers het elkeen 2 driekwartbeddens. Die tweede badkamer het 'n bad, stort, wasbak en toilet. Daar is 'n ekstra dubbelslaapbank in die sonkamer. Daar is 'n aparte woonstel met slaapplek vir 2 gaste op 'n koningingrootte-bed en daar is 'n en suite-badkamer met 'n bad, stort, wasbak en toilet. Die kombuis is goed toegerus met 'n oond, elektriese vierplaatstoof, mikrogolfoond, skottelgoedwasser, yskas-vrieskas, eetgerei en breekware vir 8 gaste. Daar is 'n buitebraai, 'n dubbelmotorhuis en genoeg parkeerplek buite.

Daar is ook 4 chalets op die plaasoorkant een van ons wildplase. Dit is gebou uit sinkplaat en gedeeltes van staalraamrakke. Wheatland's se chalets is toegerus vir 4 gaste, verkieslik 2 volwassenes en 2 kinders.

Elke eenheid het 'n enkelwoonstel-opset met 'n privaat badkamer met 'n stort, toilet en 'n wasbak. Die beste slaap-opset sou 2 volwassenes op die koningingrootte-bed en 2 kinders op die stapelbeddens wees. Elke eenheid beskik ook oor 'n eetarea met 'n etenstafel en 4 stoele, 'n sitarea met 2 leerbanke en 'n koffietafel. Die kombuis is toegerus met 'n induksiestoofplaat, yskas-vrieskas, mikrogolfoond, ketel en 'n broodrooster. Beddegoed en handdoeke word voorsien.

Daar is braaigeriewe en sitplek op die stoep sodat gaste van hier af kan kyk hoe die springbokke en soms ook die sebras om die eenhede rondwandel. Alpakkas en blouwildebeeste kom lê ook soms besoek af. Die elande hou hulself maar eenkant in die nabye kamp.

Daar is geen TV's of oonde in die chalets nie.

Die plaas se water is drinkbaar, maar gebottelde water word aanbeveel.

Doendinge en besienswaardighede in die area sluit hengel, piekniekplekke, gin-, wyn- en kaasproe, boerekos by plaasrestaurante, die Aloe Factory, wildkyk, strande in Vleesbaai, Gouritsmond, Stilbaai, Mosselbaai en 4x4-duinry, draf, voetslaan en fietsry in.

Kry ’n Kwotasie