White Waves Beach House

Selfsorg

Soos Gesien op Facebook
Kapasiteit: 8 mense
Inkloktyd: 14:00 tot 23:00
Uitkloktyd: 10:00
Adres: Bataviastraat 4, Bloubergstrand, Kaapstad, 7441, Wes-Kaap
Alle ouderdomme is welkom
Vanaf R7 500 per nag (plek vir 8)

Beskrywing

White Waves Beach House bied verblyf naby die strand in Bloubergstrand.

White Waves Beach House is 'n luukse selfsorgvilla in die hartjie van Bloubergstrand, net 'n paar treë van die strand af. Die villa spog met 'n skouspelagtige uitsig en bied slaapplek aan 8 volwassenes en 4 kinders. Daar is 4 slaapkamers, waarvan 3 en suite-slaapkamers en 1 'n aparte slaapkamer is. Al die slaapkamers het koninggrootte-beddens. Die gesinskamer kan 4 kinders akkommodeer en bied slaapplek aan 2 kinders op 2 dagbeddens en 2 kinders op 'n slaapbank.

Die hoofslaapkamer se en suite-badkamer het 'n bad en 'n stort, die tweede en derde en suite-badkamer het albei storte en die vierde en enigste aparte badkamer het 'n stort.

Die oopplan-kombuis is met 'n mikrogolfoond, ketel, broodrooster, yskas, skottelgoedwasser, stoof, breekware en eetgerei toegerus. Die huis spog met 2 sitareas met manjifieke uitsigte, waarvan een 'n kaggel het, asook 3 eetareas, 'n gesinskamer, 'n rustige tuin met braaigeriewe en 'n houtdek met 'n gasbraai en 'n uitsig oor die swembad.

Boonop is daar gratis, onbeperkte WiFi, 'n slim-TV met Netflix, digitale kluise in elke slaapkamer, elektriese komberse op elke bed en parkeerplek op die perseel vir 3 voertuie.

White Waves Beach House is net 30 m vanaf die strand, 20 m vanaf Ons Huisie en On the Rocks Restaurant, 600 m vanaf Blue Peter Hotel, 800 m vanaf Eden on the Bay-winkelsentrum en 100 m vanaf 'n MyCiTi-bushalte. Kaapstad Internasionale Lughawe is ook net 32 km vanaf die strandhuis. Gaste kan ook die asemrowende uitsig oor die see, Robbeneiland en op Tafelberg bewonder, en die bekende restaurante, Ons Huise en On the Rocks, besoek.

Kry ’n Kwotasie