Wild Waves

Selfsorg

Kapasiteit: 40 persone
Inkloktyd: 14:00 tot 17:00
Uitkloktyd: 09:00
Adres: Warriors-laan 755, Shelly Beach, 4265, KwaZulu-Natal
Alle ouderdomme is welkom
Vanaf R700 per nag, vir 2 mense

Beskrywing

Wild Waves bied verblyf in Shelly Beach aan die Hibiskuskus van KwaZulu-Natal. Besienswaardighede in die omgewing sluit die Pure Venom Reptielpark, Shelly Centre, Skyline Natuurreservaat en verskeie strande in.

Let daarop dat die tariewe vir verblyf van 5 nagte en langer is, laat weet indien jy vir 'n korter periode wil bly.

Die verblyf bestaan uit 11 selfsorg-eenhede wat 3 chalets met see-aansigte en 8 woonstelle insluit. Vier van die woonstelle het see-uitsigte en 4 woonstelle het nie see-uitsigte nie en bied 'n uitsig oor die tuin. Die chalets het 2 slaapkamers, 1 badkamer en 'n oopplan-kombuis. Die woonstelle het 2 slaapkamers, 2 badkamers en 'n oopplan-kombuis. Elke eenheid het 'n dubbelbed in die hoofslaapkamer en 2 enkelbeddens in die tweede slaapkamer. Daar is 'n bad en 'n stort in elke badkamer. Die kombuise is met 'n yskas-vrieskas, mikrogolfoond, stoof, oond en ketel toegerus. Geriewe in elke eenheid sluit 'n kluis, plafonwaaier en 'n TV met OpenView-kanale in. Indien gaste wil DStv kyk, kan hulle hul eie DStv-dekodeerder, -slimkaart en alle kragkabels saambring. Die koppelpunt is nie geskik vir PVR- of Explora-dekodeerders nie.

Verder is daar 'n gemeenskaplike swembad, braai-areas, speelterrein vir kinders en onderdak-parkeerplek op die perseel.

Aktiwiteite in die omgewing sluit swem, skubaduik, visvang, gholf, diepseevisvang, snorkel en branderplankry in.

Kry ’n Kwotasie