Wildebraam Berry Estate

Selfsorg

Kapasiteit: 14 persone
Inkloktyd: 14:00 tot 20:00
Uitkloktyd: 10:00
Adres: Hermitage S4, Swellendam, 6740, Wes-Kaap
Alle ouderdomme is welkom
Vanaf R800 per nag, vir 2 mense

Beskrywing

Wildebraam Berry Estate is 'n bessieplaas in die prentjiemooi Hermitage-vallei, sowat 2 km van Swellendam af. Die plaas is aan die voet van die majestueuse Langeberge geleë en spog met die Kliprivier wat deur die rustige bessieplaas kronkel.

Elke eenheid is volledig gemeubileer en beskik oor lugversorging en sekere DStv-kanale. Daar is ook 'n draagbare buitebraai met 1 gratis sak hout en vuuraanstekers. Verblyf word aangebied in die Berry-kothuis, Tuinsuite en 2 woonstelle op die tweede verdieping van die kelder.

Kom geniet manjifieke uitsigte op die berge en die rus en vrede van 'n plattelandse leefstyl. Hiér sal jy aan die slaap raak soos die uile roep en die paddas kwaak onder die asemrowende sterrehemel.

Die kelder produseer 'n reeks likeurs en die plaaskombuis produseer 'n heerlike verskeidenheid van bessie- en vrugtekonfyte, nageregstroop, blatjang, souse, agurkies en geskenke wat almal in die proekamer geproe en gekoop kan word. Dit is so pragtig hier - jy sal sommer jou eie bessies wil pluk en daarna met jou piekniekmandjies ontspan om die plattelandse rustigheid te absorbeer.

Wildebraam het ook 'n konferensie- en funksielokaal met plek vir tot 64 afgevaardigdes vir sake- en privaatfunksies.

Doendinge sluit bessiepluk gedurende die seisoen, likeurproesessies, voetslaan, fietsry, perdry, voëlkyk, gholfspeel, ens. Plekke wat die moeite werd is om te besoek sluit die Drostdy Museum, Bontebok Nasionale Park, die De Hoop Natuurreservaat en Roberston Wynroete in, om maar net 'n paar te noem. Daar is ook pragtige daguitstappies na die platteland insluitend Barrydale, Montagu, Robertson, Malgas en Arniston. Hier kan gaste gehalte-ontspanning kry, en wynproe in die omtrek.

Kry ’n Kwotasie