Witsieshoek Mountain Lodge

B&B

Kapasiteit: 76 persone
Inkloktyd: 14:00 tot 21:00
Uitkloktyd: 10:00
Adres: R57, Witsieshoek, Phuthaditjhaba, 9869, Vrystaat
Alle ouderdomme is welkom
Vanaf R1 600 per nag, vir 2 mense

Beskrywing

Witsieshoek Mountain Lodge bied verblyf in die Drakensberge vir voetslaners, bergklimmers, avonturiers en gesinne. Dit is aan die voet van Sentinel Piek geleë en, teen 2286 m bo seespieël, is dié lodge die hoogste punt in die Noordelike Drakensberge.

Die lodge het 8 nuut opgeknapte chalets met moderne meubels en afwerkings wat elk 'n uitstekende uitsig bied. Die vloer-tot-plafon-vensters bied asemrowende uitsigte oor die Amfiteater. Die chalets is volledig toegerus en het 'n koninggrootte-bed of 2 enkelbeddens, linne en 'n moderne en suite-badkamer met 'n instapstort, toilet en 'n wasbak.

Boonop bied die lodge 'n hele aantal ouer, gerieflike bungalows. Alle beddegoed en handdoeke word voorsien en verwarmers is beskikbaar aangesien aande op die berg nogal koud kan raak. Die bungalows is ronde geboue met 3 eenhede per gebou. Elke eenheid het 2 slaapkamers wat 'n badkamer deel en 'n uitstekende uitsig bied.

Daar is 'n sentrale restaurant wat ontbyt bedien en middagete en aandete is op 'n á la carte-basis beskikbaar. Die kroeg is oop aan alle gaste en daar is 'n hele aantal doendinge wat mens in die omgewing kan geniet insluitend: voetslaan, bergklim en forelhengel. Die omgewing is die tuiste van die bedreigde baardaasvoël vir voëlkyk-entoesiaste wat daarin sou belangstel.

Kry ’n Kwotasie