Woodlands Retreat

Selfsorg

Kapasiteit: 14 persone
Inkloktyd: 14:00 tot 19:00
Uitkloktyd: 10:00
Adres: Villiers-straat 493, Clarens, 9707, Vrystaat
Alle ouderdomme is welkom
Vanaf R800 per nag, vir 2 mense

Beskrywing

Woodlands Retreat bied luukse selfsorgverblyf met kombuisies in Clarens. Dit is in 'n luisterryke tuin tussen woudagtige bome weggesteek en word deur die sandsteenberg-landskap waarvoor Clarens so bekend is omring. Dié beskutte en rustige plekkie is ideaal as jy net wil rus en ontspan en dit is net 3 minute se ry of 13 minute se stap van die middel van Clarens af.

Woodlands Retreat streef daarna om 'n omgewingsvriendelike en organiese omgewing te skep, en is op pad om so selfonderhoudend as moontlik te wees en beplan om heeltemal onafhanklik in die toekoms te wees.

Woodlands Retreat bied 4 verblyf-opsies en beskik oor 4 elegante suites en 1 kothuis, naamlik Silver Pebbles, Caribbean Blue, Golden Maple Suite, Pearl Suites en die Cherry Gesins-suite. Albei suites het skoon, 100%-katoenperkallinne, hipoallergeniese meubels en 'n skoon, wit, geteëlde en suite-stort met warm water. Die Cherry Gesins-suite het skoon, wit hipoallergeniese "microfiber"-linne.

Gratis en veilige parkeerplek is op die perseel agter geslote hekke beskikbaar.

Kinders is welkom onder ouertoesig solank gaste sorg dat die kosbare ruimte in dieselfde toestand gelaat word as waarin dit gevind is. Let op: Moet asb. nie die honde, Jessie, of die hoenders pla nie. Die tuin moet ook gerespekteer word en kinders moet onder ouertoesig wees wanneer hulle rondloop.

Gaste kan gerus langs die kronkelpaadjies stap en die prag van die bome geniet terwyl hulle hul oë vir voëls en skoenlappers oophou - 'n hele paar kuier graag hier. Gaste kan ook die avonturiers sien abseil van van Platberg af.

Indien gaste hul dag of nag wil opkikker, is die hoofstraat van Clarens net 'n hanetreetjie ver. Clarens het pragtige kunsgalerye, lieflike restaurante waar gaste wyn kan drink, smullekker maaltye geniet of 'n craft-bier kan geniet. Musiekkonserte en verskeie ander doendinge kan regdeur die jaar hier aangetref word. Die middel van die week kan rustiger wees, afhangend van die tyd van die jaar.

Konferensiegeriewe is op versoek beskikbaar.

Kry ’n Kwotasie