Woolly Bugger Farm

Selfsorg

Kapasiteit: 22 mense
Inkloktyd: 14:00 tot 22:00
Uitkloktyd: 10:00
Adres: Woolly Bugger Farm, Dullstroom, Tonteldoos, 1110, Limpopo
Alle ouderdomme is welkom
Vanaf R975 per nag (plek vir 2)

Beskrywing

Woolly Bugger Farm is 'n 270 hektaar-plaas net 7 km vanaf Tonteldoos. Dié dorpie is 22 km noord van Dullstroom.

Verblyf is beskikbaar in 6 klipkothuise waarvan 2 groot gesinskothuise is, 1 kothuis slaapplek aan 4 gaste bied en 3 kothuise slaapplek aan 2 gaste bied. Die kothuise is volledig toegerus vir selfsorg en het elk 'n kaggel en 'n veranda met braaigeriewe en 'n uitsig oor die damme.

Die instansie is troeteldiervriendelik mits gaste se honde goed gesosialiseer en opgelei is. Let asb. dat die kothuise nie omhein is nie.

Woolly Bugger bied 'n lekker wegbreek uit die stad met stap- en bergfietsroetes waarlangs gaste die prag van die area kan geniet. Daar is ook sebras, rooihartbeeste en blesbokke wat op die plaas woon.

Gaste kan in die 2 damme op die perseel visvang - een het forel en die ander 'n mengsel baars, forel en karp.

Gaste word aangeraai om met 'n voertuig met 'n hoë grondvryhoogte te kom kuier aangesien die plaaspaaie soms in 'n slegte toestand is.

Kry ’n Kwotasie