Yellow Aloe Gastehuis

Gastehuis

Kapasiteit: 29 persone
Inkloktyd: 14:00 tot 18:00
Uitkloktyd: 11:00
Adres: Parkstraat 1, Clanwilliam, 8135, Wes-Kaap
Alle ouderdomme is welkom
Vanaf R1 800 per nag, vir 2 mense

Beskrywing

Die Yellow Aloe (Geel aalwyn) gastehuis lê in die hartjie van die historiese dorp Clanwilliam en kyk uit oor die pragtige Sederberge. Dit gee natuurliefhebbers die geleentheid om die mooi Sederbergflora, geskiedkundige rotskuns en stap- en fietsroetes te verken. Binne gemaklike afstand is die Clanwilliam dam waar alle soorte watersport en baarshengel beoefen kan word.

Begin die dag met 'n ontbyt in die tuin en ervaar die vroegoggend geklets van die groot verskeidenheid voëls wat die tuin met ons deel. Geniet 'n piekniek en verken, of ontspan langs ons swembad met 'n goeie boek.

Ons nooi jou uit om te ontspan en die algehele vrede en stilte van ons mooi tuin te geniet, wat ook 'n kleinskaal-kwekery, ligte maaltye in ons koffiekroeg en die Plantskuur bied - 'n regte plaas-ervaring wag op jou!

Ons tuin het baie verskillende aspekte wat jy kan geniet. Ons is bevoorreg om nog 'n funksionele leivoor-sisteem in die tuin te hê wat lieflik deur die tuin vloei. Die bekoorlike geluid van water wat vloei is uiters ontspannend.

Ons 8 ruim kamers is smaakvol ingerig, het lugversorging en bied gratis WiFi regdeur. Elke gastekamer het sy eie TV met Netflix. Yellow Aloe bied 'n kongreslokaal vir 15 afgevaardigdes, en is ook 'n volmaakte plek vir 'n intieme bruilof en kleiner funksies. Ons personeel is toegewyd aan jou genot en sal volle ontspanning verseker.

Ligte aandetes is beskikbaar op versoek. Stel ons gerus in kennis as jy wil hê ons moet vir julle 'n bespreking maak by een van Clanwilliam se restaurante wat binne maklike stapafstand is.

Kry ’n Kwotasie