Zeekoegat Country House

B&B

Kapasiteit: 9 persone
Inkloktyd: 15:00 tot 19:00
Uitkloktyd: 11:00
Adres: R384/AP 3002, Zeekoegat-plaas, Vosburg, 8925, Noord-Kaap
Alle ouderdomme is welkom
Vanaf R1 500 per nag, vir 2 mense

Beskrywing

Zeekoegat Country House is presies halfpad tussen Vosburg en Carnarvon op 'n Karoo-grondpad en is 'n wonderlike opsie vir diegene wat die stilte en ooptes van die Karoo waardeer. Onbyt is ingesluit. Aandete is opsioneel by die Werftafel of braaipakke met organiese lamsvleis en vars brood kan voorsien word.

Verblyf is beskikbaar in 2 bekoorlike en antieke kliphuise. Die Volkshuijs is 'n huisie met 2 slaapkamers. Dit is geskik vir 3 volwassenes en 2 kinders en is ideaal vir 'n gesin met jong kinders wat wil ontspan na 'n lang dag op die pad. Die hoofslaapkamer het 'n dubbelbed en enkelbed en die tweede slaapkamer het 'n stapelbed wat geskik is vir 2 kinders. Die badkamer het 'n stort. Daar is 'n kas vol speletjies en boeke, asook 'n klipdammetjie, 'n 1 putjie-gholfbaan, vierwielmotorfietse, boules en voetslaanroetes om almal besig te hou.
Daar is 'n kaggel in die vorm van 'n Dover-stoof in die sitarea, asook tee- en koffiemaakgeriewe en 'n yskassie.

Die tweede huisie is Die Pioniershuis wat 'n tipiese voorbeeld van die outydse lewenstyl van ons voorgeslagte was. Die hoofslaapkamer het 'n koning grootte bed met sitkamertjie en 'n en-suite slaapkamer met twee enkelbeddens. Daar is 'n kombuisie met Doverstofie en pragtige antieke kombuisware. Die 'badshuis' is 'n paar tree buite die huis en het die mooiste uitsig oor die Karoo koppies. Daar is 'n warm stort, wasbak en toilet.

Die plaaskombuis bied saans 'n Werf Tafel aan met die keur van kontrei kos. Vars groente uit die tuin, organiese lam of wildsvleis met wyn of koeldrank word afgerond met nagereg en 'n stap onder die sterre. Ontbyt word ook op die stoep wat uitkyk oor die swane se dam bedien. Bespreking noodsaaklik.

Kry ’n Kwotasie