Zonnenstrahl Guesthouse

Selfsorg

Langtermynverblyf-aanbod 10% af

Kry 10% af vir verblyf wat 5 nagte of langer is. Hierdie aanbod is altyd geldig.

Kapasiteit: 8 persone
Inkloktyd: 14:00 tot 18:00
Uitkloktyd: 10:00
Adres: Plot 371, New-straat, Nieu-Bethesda, 6286, Oos-Kaap
Alle ouderdomme is welkom
Vanaf ~~R1 200~~ R1 080 per nag, vir 2 mense

Beskrywing

Zonnenstrahl Guesthouse is in die buitewyke van die skilderagtige dorpie Nieu-Bethesda geleë en bied gerieflike, bekostigbare en stylvolle selfsorgverblyf aan 'n gesin of groep vriende. Die gastehuis kombineer ouwêreldse bekoring met moderne geriewe om aangename verblyf te verseker. Die huis kan as 'n geheel aan 8 gaste verhuur word of kleiner groepe kan Oupa Barend bespreek met slaapplek vir 6, of Oupa Alph met slaapplek vir 2.

Oupa Barend is 'n selfsorghuis met 3 slaapkamers. Die hoofslaapkamer en tweede slaapkamer het elkeen 'n dubbelbed en die derde slaapkamer het 2 enkelbeddens. Die badkamer het 'n stort en 'n bad. Daar is ook 'n sitarea en 'n eetarea met 'n kaggel. Die kombuis is met 'n stoof, 'n oond, 'n yskas, 'n mikrogolfoond, eetgerei, breekware en tee- en koffiemaakgeriewe, sowel as 'n opwaskamer toegerus.

Oupa Alph het 'n dubbelbed en 'n en suite-badkamer met 'n bad en 'n stort. Die suite het ook 'n sitarea met 'n kaggel en Franse deure wat na die stoep en tuin lei. Die kombuisie is met 'n mikrogolfoond, 'n yskassie, eetgerei, breekware en tee- en koffiemaakgeriewe toegerus.

Albei eenhede het Franse deure wat na die tuin en stoep lei. Zonnenstrahl het ook 'n lekker buitebraai-area vir gaste. Alle gaste het toegang tot die tuin en veilige parkeerplek op die omheinde perseel.

Met dié dat daar nie TV's is nie, kan gaste die asemrowende uitsig op die omliggende berge en die rustigheid wat die Karoo bied geniet. Kom ervaar die knetterende vuur, die bloeisels in die lente, die herfsblare en die sterre.

Nieu-Bethesda het nie 'n vulstasie, bank of kredietkaartgeriewe nie. Gaste moet hulle tenks en beursies volmaak voor hulle arriveer.

Kry ’n Kwotasie