Geelstert 7

Selfsorg

Soos Gesien op Facebook
Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: Geelstertlaan 7, Struisbaai, 7285, Wes-Kaap
Alle ouderdomme is welkom
Vanaf R2 140 per nag (plek vir 8)

Beskrywing

Geelstert 7 is 'n mooi gesinshuis in die kusdorp, Struisbaai, in die Overberg en dit is ideaal vir 'n heerlike vakansie aangesien dit net 'n kort entjie van 'n Blouvlagstrand en die mees suidelike punt van Afrika af is.

Die eiendom bied slaapplek aan 8 gaste en beskik oor 4 slaapkamers en 3 badkamers. Die hoofslaapkamer het 'n dubbelbed en 'n en suite-badkamer met 'n instapstort. Daar is 2 slaapkamers wat elk 'n dubbelbed het en die vierde slaapkamer het 2 enkelbeddens. Die ander 2 badkamers het elk 'n bad en 'n stort. Alle linne word voorsien, maar gaste moet asb. hul eie handdoeke saambring.

Die helder, lugtige oopplan-leefarea het 'n kombuis met 'n gasstoof, elektriese oond, mikrogolf, yskas-vrieskas, koffiemasjien, eetgerei en breekware. Daar is ook 'n eiland in die middel van die kombuis en 'n skottelgoedwasser en wasmasjien in die aparte opwaskamer. Die kombuis lei na 'n knus sitarea met gemaklike sitplek en 'n platskerm-TV met die volle DStv-pakket.

Die skuifdeure bied toegang tot 'n binnekuierarea met 'n sitarea, 'n etenstafel met sitplek vir 10, nog 'n yskas-vrieskas en ingeboude braaigeriewe. Die area het stapeldeure wat lei na 'n groot stoep met buitebraaigeriewe en 'n lieflike tuin.

Kry ’n Kwotasie