A Kings View Boutique Guesthouse

Slaapplek vir 10 gaste
Alle ouderdomme is welkom
Inkloktyd: 14:00 tot 19:00
Uitkloktyd: 10:00
23 Fairlie Street, Eshowe, 3815, KwaZulu-Natal Sien kaart
TGCSA-gradering:

Beskrywing

A Kings View Boutique Guesthouse is is in Eshowe geleë met 'n uitsig oor 'n natuurlike woud, heuwels en die Indiese Oseaan in die verte. Dié gastehuis is smaakvol versier en bied elegansie, noukeurigheid en persoonlike diens.

Daar is 4 suites wat individueel versier is en dis ideaal vir sakereisigers, vakansiegangers, gesinne, groepe, enkelreisigers, trougaste of 'n wittebroodspaartjie. Die meeste kamers het 'n privaat patio of stoep en elke kamer het 'n TV met sekere DStv-kanale, lessenaar met lig en herlaaibank vir kragproppe, komplimentêre WiFi, yskassie, eet- en drinkgoed te koop in die kamer, tee- en koffiemaakgeriewe, warm sjokolade, koffie-dompelpot met melk, komplimentêre mineraalwater, vars vrugte en blomme, verskeie tydskrifte en boeke, asook 'n staanwaaier. Elke kamer het ook 100% katoen-perkallinne, badhanddoeke en omgewingsvriendelike toiletware. 'n Haardroër, strykyster en -plank is ook beskikbaar.

Daar is 'n eetkamer en 'n sondek met 'n uitsig oor die tuin en bome, asook 'n gesellige leeshoekie. Daar is ook veilige parkeerplek, gratis WiFi, faks- en afskrifgeriewe en 'n wasgoeddiens. Ontbyt- en middagetepakkies is op versoek beskikbaar en daar is ook aandete op versoek. 'n Dentale en skeerstel is ook by ontvangs beskikbaar.

Besienswaardighede sluit Dlinza-woud Kabelpaadjie, Fort Nongqayi Museum Village en Amatikulu-strand in. Hluhluwe-iMfolozi Park is sowat 2 uur ver en Rorkesdrif en St Lucia Vleilandpark is sowat 2 en 'n halfuur ver.

Bespreek