Gasvry, heerlik, privaat en woefies welkom! Dit was ons tweede kuier daar en sal beslis weer so maak! Gasvryheid soos min! Netjies en regtig oulik toegerus. Luuks en pragtige uitsig oor die see! Mens kan letterlik net skoene uitskop en ontspan! Word heerlik bederf en tot ons viervoet kinders kry bederfies. Beveel dit vir almal aan wat Gansbaai toe wil wegbreek.

Next level verblyf. Blougans 3 is werklik “next level” en het al ons verwagtinge by verre oortref. Susan se ongelooflike gasvryheid het gemaak dat ons van die eerste oomblik af tuis gevoel het. Hul opregte vriendelikheid en fyn aandag aan detail maak hierdie plek besonders en onvergeetlik. Die eenheid is ruim, smaakvol ingerig, uiters netjies en uitstekend toegerus – daar is werklik aan alles en nog meer gedink. Met aankoms is ons bederf met ’n keurige snackbord, koue sap en water, asook ’n mandjie vol lekkers en sout happies. Hierdie deurdagte ekstras het ons dadelik spesiaal laat voel en die toon vir ’n ongelooflike verblyf aangegee. Een van die hoogtepunte was beslis die “sundowners” op die stoep, waar ons asemrowende sonsondergange en ’n pragtige see-uitsig kon geniet. Ons was ook bevoorreg om al drie dae walvisse te sien, en as bonus het ons selfs ’n haai naby die rotse dopgehou waar hy dramaties sy prooi gevang het – ’n unieke en onvergeetlike natuurervaring. Die hele ervaring was van begin tot einde uitsonderlik – ’n perfekte kombinasie van luuksheid, gemak en opregte sorg. Vyf sterre is te min vir wat Blougans 3 bied. Hierdie plek het vir ons ’n nuwe standaard gestel wat moeilik geëwenaar sal word. Ons sal beslis weer terugkeer en kan dit sonder enige huiwering aanbeveel.

Uitstekend. Blougans 3 het alle verwagtinge oortref. Die beste verblyf wat ons nog gehad het met die oulikste mense. Ons was lekker bederf en beveel hulle vir seker aan.

Uitsonderlike plekkie en eienaars! Dis die ekstra detail wat dit 10 ster maak! Uitsonderlike plekkie en eienaars! Smaakvol, netjies en baie goed ingerig, maar dis die fyner aandag aan detail en al die ekstra deurdagte byvoegings en sorg wat ons as gaste spesiaal laat voel het en wat ons ongetwyfeld weer sal laat terugkeer. Ons het sommer tuis gevoel en kon regtig ontspan. Hierdie plekkie het nou vir ons 'n nuwe standaard gestel wat ander plekke moeilik sal kan ewenaar en ons sal dit sonder huiwering aanbeveel.

Lekker naweerk braai en kuier. Baie luuks en skoon geriewe. Ons het dit terdeë geniet en lekker gebraai op die stoep met see-uitsig. Vriendelike diens was ook baie heeltyd ervaar.

Fantasties. Great, great plek. Sal weer daar gaan bly.

‘n Aanbeveling vir enige persoon wat verblyf in Gansbaai soek. Met aankoms is ons ontvang deur die vriendelikste egpaar, wat ons dadelik gehelp het om ons bagasie in ons kamer te kry. Die kamer was baie mooi, netjies en skoon. Die kamer is toegerus met alles waaraan jy kan dink en nog meer. Die gasvrou het vir ons 'n "snack" bord gereed gehad in ons kamer met koue sap en water. En selfs in ons kamer was 'n "snack" mandjie met lekkers en sout happies in. Met sonsondergang het die gasvrou vir ons "sundowners" gebring wat ons geniet het op die stoep met die mooiste see-uitsig.