Perfekte huisie in die wynlande, naby die stad. Dit is altyd 'n gunsteling verblyf vir ons gesin. Die vriendelikste mense en mooiste sonsopkoms oor die wingerde. Net hemels. Komplimentêre wyn en vinnige wasgoeddiens is 'n bonus.

Skoon, netjies en sentraal. Uitstekende diens; probleme vinnig opgelos. Uitmuntende kliëntediens. Ons het baie lekker gebly. Toe ons opdaag, was die kothuis skoon en netjies voorberei, met komplimentêre wyn en beskuit wat 'n baie mooi gebaar was. Daar was aanvanklik 'n paar klein probleme: die warm water was af en moes eers aangesit word, en een van die aircons kon nie warm maak nie. Ons het ontvangs gekontak en hulle het onmiddellik iemand gestuur om die warm water aan te sit. Toe die aircon-probleem nie opgelos kon word nie, het hulle ons sonder moeite na 'n ander eenheid geskuif waar alles gewerk het. Die diens was regtig uitstekend. Die eenhede is skoon en netjies, maar moenie iets baie modern verwag nie. Ek dink dit sal baie baat daarby om 'n bietjie geld te spandeer om die eenhede 'n ligte makeover te gee, aangesien die meubels begin wys dat hulle al 'n bietjie ouer is. Dit gesê, dit het ons glad nie afgesit nie. Ons het baie lekker gebly en die ligging was lekker sentraal vir ons bewegings in die Kaap. Ek sal beslis aanbeveel, veral vir die goeie diens en netjiese verblyf.

Veilig, sentraal geleë en pragtige omgewing. Uitstekend soos altyd.

Voldoende vir 1 nag se verblyf. Daar is 'n paar klein goedjies in die huis wat bietjie opdatering nodig het. As jy kyk na die prys per nag, sal ek sê dis bietjie duur vir wat jy kry. Dit is baie basies, alhoewel daar als was wat ons nodig gehad het. Die beddens het goeie matrasse gehad.

Lekker. Ja. Dis net die WiFi was swak en die DStv het by tye glad nie gewerk nie. Weet nie of daar 'n opvangs probleem was nie? Daar was ook nie van die begin af warm komberse in ons eenheid nie, eers nadat ek gevra het en ook net vir die 2de aand het hulle dit ingesit.

Ontspan reg langs die wingerd in gemaklike kothuis. Baie vriendelike diens. Mooi uitsig oor wingerd. Baie gerieflik. Selfsorg met lekker braai plek. Of maak gebruik van 2 restaurante op perseël. Ons het by "The Terrace" middagete gehad en diens was puik en kos heerlik. Reg langs eerste klas bergfietsroetes (single track beginner tot uitdagend) met dagpas te koop vir nie-lede. Uit die dorp, maar naby aan winkels.

Die rustigheid en uitsig op die werkende plaas was fantasties! Ons het heerlik gebly en heerlik geëet in die restaurant!

Fantastiese plek. Baie lekker plek om by te bly, sal vir seker weer hier kom oorslaap. Baie mooi en netjies.