Stukkie hemel op aarde! Wow! Hierdie plekkie is asemrowend! Die huisie is gerieflik en goed toegerus, en die uitsig is gestuur van die hemele af! Ons wou net langer bly om die rustigheid in te drink. As jy soek om jou siel te hernu, is dit net die plek vir jou. Alles in ag geneem, die prys, die verblyf, die uitsig en die rustigheid, is hierdie een van die beste plekke waar ons nog oorgebly het. Baie dankie aan die gasvrou, vir haar gasvryheid. Sien uit na ons volgende kuier.

Annelie het ons so welkom laat voel en 'n gasvrou met 'n hart van goud. Elke detail, klein of groot, was met sorg gedoen. Die vrolike blommetjies in elke vertrek, die kraakvars bedlinne en handdoeke, heerlike beskuit en allerlekkerste konfyt het ons verblyf so ekstra spesiaal gemaak. Omring deur berge het ons ons eie stukkie hemel gehad. Ons sal beslis weer kom kuier.

As jy die skone natuur waardeer, en wil rus - die antwoord. Nader aan die pragtige natuur kan 'n mens nie. Dit is absoluut ongelooflik. Dit is stil en rustig. Die plaashuis is binne skoon en netjies met alle geriewe wat mens benodig. Die grondpad kronkel deur die mooi uitsig, so ver as wat die oog kan sien. Ons het ook Saterdag aand baie reën gekry, wat dit sommer net soveel meer lekkerder gemaak het. Sal sonder twyfel familie bekendstel en daarvan langer, lekkerder kuier maak. Die kuier was net te kort, toe moet ons weer oppak en die pad vat. Dankie, dit was voorwaar iets besonders.

Rustige plaas atmosfeer. Die huis was baie netjies met alles wat jy nodig het. Die uitsig was asemrowend en dit was baie stil! Beste medisyne om weg te kom van stadsgewroeg. Dankie vir julle gasvryheid, hoop om julle gou weer te sien!

Heerlike wegbreek met net die natuur om jou. Die uitsig was asemrowend en 'n lekker wegbreek om net te ontspan. Die plek was baie netjies en skoon en daar was die heel lekkerste tuisgemaakte konfyt en beskuit. Ons het nie vir Annelie persoonlik ontmoet nie, maar sy was maklik bereikbaar op haar selfoon. Sy was baie vriendelik en behulpsaam. Alhoewel die verblyf naby die werkers se huis is, het ons nog steeds veilig gevoel en hulle het ons glad nie gepla nie. Ek sal die plek vir seker by ons familie en vriende aanbeveel.

Ongelooflike lekker kort vakansie. Heerlik gebly in 'n pragtige sandsteenhuis in 'n lieflike omgewing! Wonderlike gasvrou!

Baie lekker. 'n Klein paradys. Plek skoon en netjies.

Baie netjies en die natuur rondom jou is iets besonders. Sien sterre.