Die Here se seëninge. Ek het vir twee nagte hier gebly en dit was absoluut die moeite werd. Enige iemand sal ongelooflik gelukkig wees om hier vakansie te hou, selfs al is dit net vir ’n naweek of een nag. Die gasvrou is ’n wonderlike mens met ’n hart van goud, en ek bid net soveel seëninge oor hulle, want hulle verdien dit regtig. Baie dankie vir die heerlike kuier, ek het dit opreg so baie geniet. Alles was uiters netjies en skoon, en die klein ekstra’s soos melk in die yskas, koffie, suiker en tee het dit sommer nóg meer spesiaal gemaak. Ek sal hierdie plek met ’n oop hart aanbeveel en sal beslis weer terugkom.

Heerlik! 5-ster. Ons het heerlik gebly. Van die begin af was ons gasheer, Emmie baie behulpsaam, vriendelik en gasvry. Sy het ons na baie plekke daar rondom verwys aangesien dit ons eerste keer in die omgewing was. Die huis het klassieke dekor en was groot genoeg om ons almal gemaklik te huisves. Ons sien uit vir die volgende kuier.

Gasvrye Emmie, puik kothuis, heerlike verblyf, sal terugkeer. Van die oomblik wat ons aangekom het, is ons hartlik verwelkom deur ons gasvrye en vriendelike gasvrou, Emmie. Haar vriendelikheid het die toon aangegee vir ons hele verblyf. Die kothuis self was goed toegerus en bied alles wat ons nodig gehad het vir 'n gerieflike verblyf. Dit was nie net knus nie, maar het ook uitstekende waarde vir geld gebied. Die ligging was perfek vir ons behoeftes, naby die sportgronde. Oor die algemeen het ons heerlik gebly en ons tyd by die kothuis baie geniet. Ons sal dit beslis oorweeg om in die toekoms terug te keer as die behoefte ontstaan. Beveel sterk aan!

Gemaklik en skoon. Baie lekker gebly. Sal vir seker weer. Daar was net 'n bad, 'n stort sal vir seker 'n plus wees. Het net verwag dat dit sy eie ingang sou hê en nie deur die huis moes beweeg om by die kamer uit te kom nie. Dit dalk net noem.

Was heerlik. Baie nice plek, sal weer daar oornag.

Gerieflik en netjies. Ons het baie lekker gebly. Plekkie was skoon en netjies. Alles was daar wat nodig was. Baie vriendelike gasvrou.