Dit sal n droom wees om my permanent op so plaas te vestig. Fairview Trout Farm is ’n versteekte stukkie goud in Mpumalanga, nie te ver om te ry nie. Die natuurskoon en vryheid is ’n wonderlike ervaring. Dis nostalgies mooi. Die uitsig oor die veld, die perdekraal langs die huis en die groen grasvelde was asemrowend mooi. Die huis is knus en knap ingerig, prakties met ’n ingeboude braaiplek en braai-area buite, beskut met ’n muurtjie wat jou aan ’n antieke plaashuis laat dink. Die kamers is toegerus met die beste linne. Die aroma van "lemongrass" en laventel begroet jou met vreugde as jy by die huis instap. En asof dit nie genoeg is nie, is die eienaars en gasvrou definitief een van die wonderlikste en gaafste mense wat ek al ontmoet het. Dankie, Mathilda, vir jul gasvryheid. Dankie aan Johannes wat ons geduldig by die plaashekke ingewag het en vir ons oop- en toegemaak het. Vir ons vyf stadsjapies was dit ’n droomnaweek vol idilliese planne om ook eendag so vry en naby aan die natuurskoon te kan lewe.

Ongelooflik mooi, skoon en netjies. Wat 'n wonderlike tuiste en plekkie om te gaan rus. Die plaas en omgewing is sprokie mooi en netjies. Die gasvrou en gasheer is baie bedagsaam en hulpvaardig. Sal enige dag kan aanbeveel vir die persoon wat lief is vir die natuur en vars lug.

Beslis aanbeveel vir my vriende! Ons het vreeslik lekker gebly. Sal vir seker weer daar wil gaan kuier.

'n Juweel. Wat ‘n heerlike 9 dae het ons spandeer by Fairview Trout Lodge! Vir diegene wat smag na rustigheid en vrede, is hierdie beslis die plek om te bespreek. Waarlik ‘n plek waar ‘n mens jou batterye kan laai. Die ligging was perfek vir ons – ‘n ware juweel. Naby genoeg aan Dullstroom en omliggende areas, maar steeds weg van die “hustle & bustle”. Van die oomblik wat ons ingeklok het tot en met ons vertrek was Tilla die perfekte gasvrou. “The Paddocks” is ‘n heerlike, gerieflike huis. Pragtig gemeubileer met al die nodige geriewe – net soos in ‘n mens se eie huis en uiters gerieflik met ‘n asemrowende uitsig oor die omliggende area. As jy op soek is na 'n onvergeetlike, moeitevrye verblyf en 'n pragtige omgewing, hoef jy nie verder te soek nie! Ons sal beslis weer daar gaan kuier. Baie dankie weer eens Tilla!

Heerlike rustige wintersnaweek by Fairview. Pragtige plekkie. Huisie is ruim met 'n heerlike braaiplekkie buite wat goed beskut is teen die koue en wind. Die manne het baie suksesvol van die trout dam teruggekeer. Ons sien uit om weer te kom kuier.

Lekker familietyd. Heerlike kuier gehad op die plaas. Mathilda is baie gasvry! Rustige omgewing.