Rustic bosveld huisie. Baie nice, rustic huisie met 'n bosveld gevoel, maar nog steeds baie naby aan alles. Wood-fired hot tub het uitstekend gewerk!

Geen waarde vir geld nie. Slegste plek waar ek nog gebly het deur Lekker Slaap. Nee glad nie lekker gebly nie. Daar word niks genoem dat hulle off grid is nie, moes wag tot half 8 die oggend om te kon stort, geen krag geen water. My kind moes op n bank slaap. Daar is geen back up ligte nie. Jy vind eers uit dat dit off grid is as jy daar aan kom. Ek het R1200. 00 per nag betaal wat glad nie die moeite werd is nie. Daar is geen wifi soos dit geadverteer word nie. Daar is geen aanstekers vir die gas oond of stoof nie. Die plug onder die tv werk nie. Daar is net 2 handdoeke en ons was 3. Die bank wat daar is sodat kinders daar kan slaap, het net 1 comforter gehad en die plek is yskoud die tyd van die jaar. Ek is baie ongelukkig oor die plek en ek persoonlik dink dit is baie geld vir dit wat mens kry. Hot tube was vuil.

Net potensiaal. Die plek het beslis die potensiaal vir ’n 5 uit 5-verblyf, maar ongelukkig kry dit van my net 1 uit 5. Die warmbad moet vooraf met minstens vyf sakke hout verhit word, maar nêrens word dit vooraf genoem nie. Ek moes daar hout koop — wat boonop nat was. Ek het altesaam sewe sakke gebruik en op die beste was die water net lou. ’n Groot mors van tyd om voortdurend dop te hou dat die vlamme die koperpype stook, wat ek vermoed ook gedeeltelik geblok was. Die dammetjie langsaan is vlak en groen — ’n ware muskietparadys. Om sake te vererger, is geen van die vensters of deure geseël nie, so die muskiete het vrylik in- en uitgezoem. Dit was die slegste nagrus vir my en die kinders. Ons kon nie eers die waaier aanskakel om hulle weg te hou nie, want die krag was af. Verder is daar geen privaatheid nie — jy en jou buurman kyk heelaand in mekaar se rigting. Selfs die badkamer se ruit kan nie behoorlik oop nie. Ons het met al ons kosse daar aangekom, maar die yskas was vuurwarm omdat dit nooit vooraf aangeskakel is nie. Laastens moes ons self inboek via ’n app wat die webtuiste sou aanstuur, maar dit het ook nooit gebeur nie — al was dit nie die gasheer se skuld nie.

Rustig. Was baie lekker en stil. Gaan definitief weer bespreek.