Perfek! Ons het heerlik gebly. Die woonstel is netjies, mooi gemeubileer en het alles in wat 'n mens nodig het. Ons sal beslis weer daar wil tuisgaan.

Toerusting volgens advertensie, bv. lugreëling, was nie beskikbaar en geen poging. Die eenheid is luuks en modern. Dit is egter nie volledig toegerus nie, bv. die 2 beddens het geen bedkassie of bedlig nie, slegs twee beddens wat in die hoeke staan. Die toilet het ook nie skoonmaaktoerusting nie. Die eenheid se beddegoed is veronderstel om na 'n week geruil te word, maar is eers na 8 dae en 'n aantal versoeke deur ons gedoen. Die lugreëling was buite werking van aankoms tot vertrek (2 weke) en die weer was warm. Lukrake verskonings is aangebied, maar daar was geen daadwerklike poging om die lugreëling te herstel nie. Ook is geen alternatiewe, bv. waaiers, voorsien om die hitteprobleem op te los nie. Dit is onmoontlik om met die bestuur direk kontak te maak; slegs voice messages of WhatsApp's word gestuur met onvoldoende antwoorde op navrae. Die riool het verstop op 'n stadium en dit het 2 dae geneem voordat die Stadsraad kom uitpomp het. Dit behoort vroegtydig gereël te word sodat gaste nie moet sukkel om te stort of toilet te spoel nie. Bestuur kom onwillig voor om goeie diens te lewer.

Rustige privaat kuier, naby aan alles in Hermanus, veral Daghospitaal. Heerlike ruim blyplek, pragtige kombuis, alles wat jy nodig het vir gerief, en nog meer.