Asemrowende uitsig en sonsondergang! Lekker verby gebly! Pragtige uitsig! Ons agent was altyd behulpsaam! Ek dink die interieur in die leefvertrek kan dalk opgeknap word, maar dis sommer net my mening. Heerlik geslaap op Cloud Nine matrasse!

Ons het regtig lekker gebly. Die strand is baie naby en ons kinders het die swembad ook geniet.

Dit was sommer net lekker. Dit was 'n heerlike kuier. In 1403 is die uitleg perfek en die uitsig was net wow. Baie veilig.

Gerieflik. Ja, baie mooi uitsig.

Het baie lekker gekuier op die balkon met die mooi uitsig. Die eenheid het een van die mooiste uitsigte wat ek nog ooit gesien het. Is ook ruim en netjies. Maar daar is 'n paar dinge wat gepla het. 1. Die ligte in die gang, eetkamer en sitkamer moet by die DB-bord (lights) aangesit word omdat daar 'n probleem is met die hooflig in die sitkamer. Niemand het ons hiervan verwittig nie. 2. Na 'n paar dae het die ketel ophou werk omdat een van die 'plugs' skakelaars op die DB-bord getrip het. Het die koffiemasjien se kragprop aan die anderkant gebruik om water te kook. Die mikrogolf en rooster se kragproppe het ook nie gewerk nie. 3. Daar is 'n lekkasie by die wasbak in die hoofbadkamer. Kon nie items in die kas onder die wasbak bêre nie. 4. Daar was nie 'n gloeilamp in een van die bedlampe in die hoofslaapkamer nie. Gloeilampe van ander bedlampe het nie gepas nie. Moes maar 'n lamp van een van die ander kamers gebruik. As daar na hierdie dinge gekyk word, sal hierdie eenheid 'n wenner wees.

Sentraal en mooi, maar kort aandag. Dit was 'n lekker woonstel wat sentraal geleë is, maar kort bietjie 'n ordentlike skoonmaak. Dis bietjie klein vir 5 mense. Die ceilings in die badkamer kort ook 'n bietjie skoonmaak of verf, want daar is nie vensters nie en dis swart van die mould. Ek verstaan dat die woonstel teen die see is, maar die vensters kon bietjie gewas gewees het, want dit was so aangepak. Die eienaar het ook een dag voor die tyd kom vra wanneer ons ry, wat bietjie onprofessioneel was. Ons kon ook nie die WiFi gebruik nie, want geen van die passwords het gewerk nie. Maak ook seker julle is bewus van die app wat benodig word om by al die deure te gebruik, want daar was nie instruksies voor die tyd gestuur nie, wat beteken het dit het langer gevat om in te boek.

Verskriklik lekker! Awesome view! Waarde vir geld! Ons het baie lekker gebly en was beïndruk met hoe mooi en netjies die woonstel was. Dit het my verwagtinge oortref en ek sal beslis weer by die plekkie boek.

Pragtige uitsig en goed geleë! Dankie vir 'n heerlike verblyf en seepglad diens.

Lekker, rustig, mooi uitsig! Ons het baie lekker gebly by HT 14. 03. Iets wat opvallend lekker is, is dat op die 14de vloer sien jy die see, jy hoor die see, jy ruik die see en jy sien nie noodwendig die dagbesoekers wanneer jy in die woonstel sit en eet of sit en kuier nie, dus pla die mense jou nie indien jy see toe gekom het vir rus en vrede nie. Eers wanneer jy op die stoep staan en afkyk, raak jy bewus van nog mense.