Heerlik gekuier en gebraai met die mooiste uitsig en sonsindergang ooit. Baie dankie Danie en Rencia. Hierdie was 'n onvergeetlike ondervinding in ons harte ingegrafeer. Ons sal dit nooit vergeet. Fantastiese memories gemaak.

Fantasties. Die verblyf was iets uit 'n ander wêreld. Baie lekker met die mooiste uitsig.

Uniekheid van die grot is 'n onvergeetlike ervaring. Kings View Cave is asemrowend pragtig. Die grotverblyf en geriewe is skitterend skoon en baie gerieflik. Die uitsigte en sonsondergang is pragtig. Stilte is verfrissend.

Baie skoon en so naby aan God se skepping vir seker Echoes of Blessings! Ongelooflik mooi.

Buitengewone mooi en unieke plek met pragtige uitsig. Dit was 'n buitengewone mooi en unieke plek met pragtige uitsig. Moeite werd om te besoek en sal weer gaan. Die pad na die grot is 'n uitdaging en 'n hoë 4X4 voertuig word sterk aanbeveel. Neem hout en water saam en neem kennis van die deposito wat betaal moet word by aankoms.

Onaangename Ondervinding! Onaangename ondervinding! Ons het 4 aande bespreek en lank voor aankoms ten volle betaal. Die gasvrou het om 8 uur die aand voor inklok laat weet ons moet ons eie water en vuurmaakhout saambring. ’n Vrywaringsvorm moet ingevul word nog voordat jy kan opgaan na die grot, en die breekwaredeposito móét betaal word. Jy word verwittig dat jy selfs jou eie vullis terug huis toe moet neem, anders verloor jy van die breekwaredeposito. Daar is net ’n klein sonkragstelsel, dus kan jy nie ’n haardroër in die grot gebruik nie. Om op te gaan na die grot, moet jy ’n 4x4-voertuig hê en ’n baie ervare 4x4-bestuurder wees. Ons was in ’n 2x4 met hoë grondvryhoogte en kon dit nie doen nie omdat hierdie roete beslis nie geskik is vir enige voertuig behalwe ’n 4x4 nie. Nadat ons omgedraai het, is ons meegedeel hulle kan ons neem teen ’n addisionele fooi, maar besef asseblief jy moet dit in hul rekening kry, anders word jy nie weer gekry alvorens dit in hul rekening is nie. Ons was daar vir 4 aande, en toe ons sien dit gaan reën en die pad was sleg, het ons gevra dat hulle ons op dag drie kom haal sodat ons huis toe kon gaan. Ons is toe meegedeel dat as die fooi om jou op te vat en weer af te haal nie in hul bankrekening wys nie, hulle ons nie gaan kom haal nie. Betaling was reeds gedoen en bewys gestuur, maar hulle wou dit nie aanvaar nie en ons moes noodgedwonge, en nadat ons die webtuiste verwittig het, nóg ’n fooi betaal voordat hulle ons kom haal het. Hierdie was as ’n onmiddellike betaling gedoen. Dit was ’n gesukkel met ’n 4x4 wat bestuur is deur die gasheer om ons daar uit te kry. Die grot kan doen met ’n goeie opgradering. Die uitsig in en om die grot is mooi, maar die wind waai gedurig. Lees ook die Google-resensies om teleurstelling te voorkom.