Verblyf nie bruikbaar sonder krag, al is dit met sonkrag geadverteer. Ongelukkig was ons hele verblyf sonder krag as gevolg van ’n transformatorprobleem in die area. Alhoewel dit buite die eienaar se beheer is, was die eenheid nie funksioneel sonder krag nie en die alternatiewe voorsiening was onvoldoende. Die webtuiste se inskrywing het duidelik aangedui dat daar sonkrag is en dat die lodge nie deur beurtkrag geraak word nie, wat nie die geval was nie. Ons het geen warm water gehad nie, geen yskas- of koelgeriewe (ons kos het afgegaan), geen lugverkoeling in die hitte, en geen lig in die aande nie, wat dit baie moeilik gemaak het om normaal te funksioneer. Sonder krag was daar ook geen WiFi nie, en ons moes gereeld na ontvangs gaan om toestelle te laai. Verder het die eenheid geruik asof dit vir ’n lang tyd toe gestaan het. Die paslakens op die bed was te klein en het heeltyd losgetrek, en die kussings was deurgele en baie ongemaklik. Alle uitreiking na die gasheer op die webtuiste is beantwoord met “gaan hoor by die lodge se voorkantoor”. Die lodge self is baie mooi en die personeel het uit hulle pad gegaan om almal te akkommodeer, maar daar was duidelik te veel druk op hulle tydens die kragonderbreking. Die jacuzzi op die stoep, soos op die foto, het ook ’n “out of order”-bord gehad.

Baie beslis, was fantamagories!

Baie goeie herinneringe wat ons hele familie vir altyd sal bybly! Ons het Kersfees 2024 met 25 familielede by Kruger Park Lodge gevier. Dit was ook my pa se 80ste verjaarsdag en was die ligging perfek vir al die familielede om bymekaar te kom. Ons sal graag weer daar kom kuier. Die swembad en volleybal was ook 'n lekker tydverdryf vir almal! Baie dankie vir die pragtige instandhouding van die oord.

Heerlike wildtuin wegbreuk. Dit was 'n heerlike wegbreuk vir ons gedog. Die verblyf het alles wat mens benodig en die beddens is baie gemaklik. Dit is naby aan die restaurant en speelplek geleë wat ideaal is met klein kindertjies. Ons sal vir seker die plek weer besoek!