Heerlik rustig. Was die tweede keer by Makhato 62, en soos die vorige keer was dit wonderlik om daar te bly.

Gerieflik en 'cosy'. Ja, baie lekker gebly in Makhato 62 - dit was nog een van my beste lodges waarin ek op Sondele al gebly het.

Ons het dit baie geniet. Ons het heerlik gekuier met ons kinders en kleinkinders. Ons het heerlik gekuier met ons kinders en kleinkinders wat kuier uit London. Dit was ons jongste se eerste blootstelling aan die bos en wilde diere en die perfekte inleiding. Daar was Njalas, vlakvarke, patryse en ander voëls wat tot by die huis gekom het wat vir groot opwinding gesorg het. Die huis is gerieflik en ruim en die verskeie kuier areas is baie lekker vir 'n groot groep. Ons het die kaggel/binnebraai baie geniet aangesien ons in die winter daar was. Daar is nie genoeg eetgerei en breekgoed vir 'n groot groep nie. Vir 'n 8 bed plek behoort daar 16 van alles te wees. Daar kort ook 'n koffie masjien of ten minste 'n plunger; ons moes plungers gaan koop. In 'n vorige terugvoer het iemand na 'n skottelgoedwasser verwys, maar daar is nie een nie. Die meeste toilet sitplekke moet vervang word. Van die banke in die binnebraai area se rugkussings was nie daar nie. Die warm swembad en speelarea by die hoofswembad was ook 'n wenner. Die trekker wildsrit is aan te beveel, veral as jy jong kinders het; hulle kon sebras, Njalas, elande, volstruise, swartwitpense van naderby sien en voer.

Heerlike, rustige kuier in die bos! Die huis was fantasties met baie spasie vir die kinders. Ons het heerlik gekuier, gebraai, fiets gery! Sal vir seker terug wees!