Uiters swak. en sal dit nie aanbeveel nie. Glad nie. Die eenheid was onvolledig. Met aankoms was daar geen toiletpapier, geen handseep, geen toiletrolhouer en geen spieël in die kamer of badkamer nie. Prente het op die vloer gestaan, daar was geen bedlampies nie, die kussingsloop was geskeur, en daar was geen kassie of tafel om enigiets op te sit nie. Dit het gevoel asof die kamer gebruik is om ander kamers aan te vul. Die foto’s op die webtuiste is misleidend, aangesien dit foto’s van twee verskillende kamers is. Die TV het nie ’n afstandbeheer gehad nie. Die “TV-boks” wat daar was, het nie eers ’n kragkabel gehad nie, en die afstandbeheer het ook nie batterye gehad nie. Hulle het toe ’n “Android” TV-boks gebring, maar geen van die apps het gewerk nie. Die deurslot moes vervang word, aangesien dit nie gewerk het nie. Die kamer kan vier mense akkommodeer, maar daar is net twee handdoeke voorsien. Selfs toe ons vir nog gaan vra het, was daar nie beskikbaar nie. Die hekmotor is die dag van aankoms vervang, so daar was geen afstandbeheerders beskikbaar om in en uit die perseel te kom nie. Ek weet nie hoe daar op die webtuiste 5 sterre aan die plek gegee kon word nie. Ek het by die eerste moontlike geleentheid (teen my eie koste) ander verblyf vir my familie gekry.