See view uitsig en see wat jy hoor. Dit was heerlik en mooi see view.

Lekker sentraal geleë. Ons het baie lekker gebly. Lekker sentraal geleë.

Baie gerieflike verblyf. Heerlike vakansie saam met die gesin. Alles wat mens kon nodig kry by 'n seevakansie.

Gesin met twee tieners - oulikke plekkie. Ons het ons verblyf geniet en die woonstel het ’n paar baie goeie eienskappe. Die see-uitsig is pragtig, die woonstel is ruim en die balkon is ’n lekker ekstra ruimte, met ’n klein braaier vir wanneer mens wil braai. Die ligging is ook baie gerieflik, aangesien dit naby winkelsentrums is. Die opsigter was baie vriendelik en behulpsaam. Daar is egter ’n paar dinge wat aandag nodig het. Sommige van die woonstel se toerusting en afwerkings werk nie heeltemal soos dit moet nie. Die asblikkas in die kombuis is stukkend en die laai loop moeilik oop en toe. Van die deure sukkel om behoorlik toe te maak; bv., die badkamerdeur moet met ’n deurstopper vasgehou word wanneer mens binne is. Ons grootste bekommernis was die garage. Die garage is baie klein en was ook vol items soos ’n rak en branderplankborde. Ons moes self van die goed verskuif en rondskuif om ons voertuig binne te kry én die garagedeur te kan toemaak. Die garage is baie knap as jy ’n dubbelkajuitbakkie ry, hy pas net net in. Aangesien die woonstel met ’n garage geadverteer word, sou dit beter wees indien die garage volledig beskikbaar en maklik bruikbaar vir gaste is. Ons het ook ongemaklik gevoel oor die strand se veiligheid. Daar is mense wat op die strand bly en dit het vir ons nie veilig gevoel om alleen strand toe te stap nie. Dit is iets waarvan toekomstige gaste bewus behoort te wees. Oor die algemeen is die woonstel ruim, goed geleë en het dit ’n baie mooi uitsig. Met ’n bietjie onderhoud en aandag aan die praktiese probleme hierbo, kan dit ’n baie aangename plek wees om te bly.

Ontspanne, vriendelike atmosfeer, naby swem strand en winkel sentrum. Aanvanklik was daar 'n irritasie, want die adres voorsien deur die webtuiste was inkorrek en het daartoe gelei dat ons inboek met amper 'n halfuur vertraag. Oorweeg asseblief om die korrekte adres met die eienaar te bevestig om te voorkom dat toekomstige gaste ook na etlike oproepe ens. moet uitvind dat hulle by die verkeerde adres is. Oceans 1101 was vir ons uitstekend geleë en het meer as genoeg spasie gehad vir 5 persone. Vanwee die feit dat die eenheid op die tweede vloer geleë is, moet besoekers dit net in ag neem ten opsigte van die trappe om die eenheid te bereik en kleiner kindertjies se veiligheid buite op die stoep. Die eenheid is baie goed toegerus, het 'n fantastiese mooi uitsig op die tuin en see, en die direkte toegang tot die strand is prysloos. Om jou kar in 'n toesluitgarage te kan parkeer, was 'n absolute bonus. Definitief 'n plek om na toe terug te keer. Michelle en haar man, die opsigterspaar, is uitstekende mense vir hul taak en is altyd gereed met raad en daad, en gee baie goeie aanbevelings rakende die aktiwiteite en restaurante in die omgewing.