Baie huislik. Bekostigbare verblyf. Verwelkoming en ontbyt puik. Baie dankie.

Vriendelik en gasvry op sy beste. Dit voel soos huis - tuiste weg van die huis af - die warm vriendelikheid van die eienaars het ons baie beïndruk. Sal beslis weer van hul instansie gebruik maak.

Gerieflik, gemaklik, stil en stemmig. Net wat ons nodig gehad het van die mal wêreld se geraas. 'n Lekker huis weg van die huis.

Vriendelik, veilig en gemaklik. Die plek is waarde vir geld en alles wat jy benodig, veral as jy baie besig is. Dit is lieflik om buite op die stoep te sit en jou werk in vrede af te kan handel.

Kamer is skoon. Ons het nie ontbyt ontvang die volgende oggend nie. Ek kon net ruik dat die kamer lank toegestaan het, die kamer het bietjie bedompig geruik.

Ons het gemaklik geslaap. Die fasiliteite is aangrensend tot die woonhuis en het 'n gemeenskaplike kombuis waar die eienaar se items die yskas volstaan en nie ruimte laat vir jou eie goed nie. Kitskoffie word voorsien sonder vars melk. Toiletgeriewe in die kamer het geen afskortings nie en dit beteken dat jou medereisiger uit die kamer moet gaan voordat die toilet gebruik kan word. (Of wag jou beurt af vir die gemeenskaplike badkamer) Geen TV in die kamer nie. Geen buiteligte by die area waar voertuie geparkeer word nie. Ek het al vir goedkoper by ander plekke oornag wat baie beter geriewe het. Die kerrie en reis was smaaklik.

Rustig en veilig. Gasvrou was baie vriendelik en uit haar pad gegaan om ons te akkomodeer. Baie netjies en veilig geleë ook.