Baie mooi en veilig, regtig great waarde vir wat die huis en ligging bied. Ons het so lekker gekuier hier. Die enigste probleem was dat ons tyd daar te min was. Dit is regtig 'n baie oulike huis met als wat jy nodig het. Die kinders het sommer maklik maatjies gemaak in die kompleks wat baie veilig is. Ons gaan sommer vinnig weer draai maak daar. Dankie.

Ons is mal oor Greenhart Estate, maar sal nie weer by Ikhaya Lakhiti bly nie. Ongelukkig het ons verblyf nie heeltemal aan ons verwagtinge voldoen nie. Met ons aankoms was dit duidelik dat die huis nie behoorlik skoongemaak is nie. Ons het onder andere vals naels wat afgehaal is op ’n bedkassie gekry, en die huis was vol vlieë. Buite langs die stoep was daar ook ’n verrotte stuk hout waaruit twee kakkerlakke gekruip het, wat baie onaangenaam was. Verder wou die skuifdeur by die hoofslaapkamer glad nie oopmaak nie, en die toilet by die kinders se slaapkamers het nie gespoel nie. Die TV-afstandbeheer het ook nie gewerk nie. Die rusbanke was met oortreksels bedek, maar die banke daaronder het in ’n baie swak toestand gelyk. Daar was geen wasgoedlyn of clothes rack beskikbaar nie, slegs ’n tuimeldroeër. Ek wil egter noem dat die gasvrou die volgende dag mense gestuur het om die plek skoon te maak en die probleme met die skuifdeur en toilet reg te stel, wat ons waardeer het. Ongelukkig het die aanvanklike toestand van die huis ’n negatiewe indruk gelaat, en ons hoop dat hierdie terugvoer kan help om die ervaring vir toekomstige gaste te verbeter.

Sal weer van Ikhaya Lakithi gebruikmaak. Baie lekker gebly en gerieflik.