Mooi rustige woonarea, maar die huis het nie aan ons verwagtinge voldoen nie. Die see-uitsig van Rustieke Familie Vakansiehuis is mooi, alhoewel die breek van die branders heelwat dieper in die see is. Die meubels is antiek en ontleen nie regtig aan gemaklike ontspanning in die sitkamer nie. Die venster wat 'n hoofuitsig gee oor die see kan nie oopmaak nie. Dit bemoeilik die taak om die venster mooi skoon te hou. Die venster was redelik skoon met aankoms, alhoewel daar kinderhandafdrukke sigbaar was. Die TV stel dateer uit 'n vorige era en dit was nie moontlik om dit op te link sodat ons DSTV/Netflix kon kyk nie; aldus was die gerief van TV kyk ons nie beskore nie. Die huis beskik nie oor 'n beskutte stoeparea nie en met warm weer is dit ongemaklik om tussen 11h00 en 18h00 daar te sit met die felheid van die son. Die gebrekige beskutting sal ook oneffektief wees by die geringste reënbui. Die gordyne is dun en substandaard. Die badkamer is oud met 'n druppende gasgeiser. 'n Tegnikus is uitgestuur om 'n skadeberaming te doen. Die kombuis is ook oud. Die strandarea is nie geskik vir strandwandelinge nie a.g.v. die rotsformasies. Franskraal is afgelee met min winkels in die omgewing en Hermanus is 'n hele entjie se ry.

Lekker gebly, maar kort mikrogolfoond. Baie mooi uitsig en mooi geleë.

Was wegbreek tyd vanaf die besige lewe. Ons kuier was fantasties agv. rustige buurt, staproete en kon visvang.

Baie lekker. Baie lekker gebly!