Gasvrou vriendelik en behulpsaam. Ja, skoon en netjies en gemaklik.

Nie wat ons verwag het nie. Die eenheid was onnet toe ons ge-arriveer het, 'n hopie vullis het nog by die agterdeur gelê wat die skoonmakers vergeet het om uit te vat. Daar was dooie vlieë in die borde toe ek dit uit die kas gehaal het om te eet. Nie genoeg opskepbakke is voorsien nie asook 'n paar ekstra koffiebekers sou ook help. Daar is nie selfoonopvangs in die huis nie en ons het ook gesukkel om die volgende dag (Saterdag en die dag van my skoon-ma se begrafnis) opvangs te kry om vriende te laat weet waarheen om te ry om ons te kry. Ek kon ook nie die aanwysings deurgestuur kry wat Mark die vorige dag vir my gestuur het nie. (Ek verstaan dat die selfoonopvangs nie die verantwoordelikheid van die eienaar is nie, maar dit was 'n probleem om aanwysings aan die ander mense te gee).

Baie lekker gewees, eers gereën en toe halfuur na ons daar aangekom het, het begin dit sneeu. Baie mooi en skoon, dis 'n pragtige wêreld en maklik om te vind.

Beste plek om af te sonder. Baie oorspronklike akkommodasie (perdestal) - iets anders. Lekker om weg te kom van die wêreld se luukses. Al die basiese goed is daar wat jy nodig het. Die bestuurder is voorwaar ’n aanwins vir die plek.

Lekker op die plaas. Rustig plek. As jy op soek is na stilte en sit en niks doen. Dan is die net die plek vir jou.

Ware rus vir jou siel. Die hele plaas opset wat omskakel is in netjiese leefeenhede, skep 'n verrassende atmosfeer wat saam met die natuurskoon en vars lug 'n plek skep waar enige moeë reisiger se siel rus en vrede vind. Om 'n lang rit op te breek met 'n oornag-hawe met Summerhill, het vir ons meer gegee as wat ons verwag het. As jy een is vir die eenvoud van menswees en so bietjie will breuk met die gemak van die lewe wat mens so as vanselfsprekend aanvaar, is 'n dag of twee by Summerhill net die terapie vir jou.