Tsunamoon River Camp

Wildsplaas

Kapasiteit: 15 persone
Alle ouderdomme is welkom
Inkloktyd: 13:00 tot 19:00
Uitkloktyd: 10:00
Adres: Lekkersmask Wildreservaat, Gravelotte, 0895, Limpopo
Vanaf R9 500 per nag (plek vir 15)

Beskrywing

Tsunamoon River Camp is 'n eksklusiewe selfsorgkamp langs die bekende Selatirivier en bied verblyf aan 1 groep op 'n slag. Die kamp se uitleg is ontwerp dat gesinne en vriendegroepe gehaltetyd saam kan deurbring.

Die eiendom het slaapplek vir 15 gaste en beskik oor 4 chalets. Twee van die chalets het 'n hoofslaapkamer, 'n kinderkamer met enkelbeddens en 'n badkamer met 'n bad en 'n stort. Die ander 2 chalets het elk 'n hoofslaapkamer en 'n en suite-badkamer met 'n stort.

Al die hoofslaapkamers het 'n koffiestasie en daar is 'n stoep waar jou oggendkoffie geniet kan word. 'n Kot vir 'n baba kan ook by een van die kamers gevoeg word en al die slaapkamers het lugversorging.

Die kamp se hoofgebou bied 'n panoramiese uitsig oor die Selatirivier en beskik oor 'n kombuis, 'n eetarea, kuierarea, braai-area en 'n swembad. Die kombuis is met 'n gasstoof, elektriese oond, mikrogolf, yskas-vrieskas, eetgerei en breekware toegerus en daar is lugversorging.

Die sitarea het gemaklike sitplek en 'n TV en lei na die etenstafel met 16 stoele. Die vermaakarea het 'n pooltafel en 'n tafeltennistafel en daar is 'n boma met 'n vuurput voor die lapa wat af na die swembad toe lei.

Die tarief sluit 1 wildrit per dag, braaihout, 'n skoonmaakdiens en ys in.

Kry ’n Kwotasie