Baie lekker rustig en gerieflik. Ons tweede keer in Vooruitzicht, maar alles was nog net so van uitstekende gehalte soos die eerste keer. Die eienaars van die huis het ons baie welkom laat voel. Alles was netjies en op sy plek, en ons paar dae vakansie was baie lekker rustig. Ek sal definitief weer bespreek en dit ook aanraai vir vriende en familie.

Wonderlik. Baie oulike plekkie. Rustig en netjies. Pragtige uitsig.

Netjies, mikro-bestuur deur eienaars. Ons het baie lekker gebly. Die plek was baie netjies en ons was vriendelik verwelkom. Daar was ongelukkig slegs twee van alles (borde, messe, vurke, bekers ens.), wat nogal ongemaklik is as jy vir langer as 'n dag daar bly. Daar was egter 'n blou merk op die duvet, wat ons nie gesien het aan die begin nie, want dit was onderstebo op ons bed. Ons het dit opgemerk op ons eerste oggend toe ons die bed opmaak. Eienaars voel egter dit was ons en het dus geweier om ons deposito terug te betaal. Let wel, hierdie deposito het ek ook eers van gehoor die oggend toe ons daar aankom. Die deposito was glad nie te hoog nie, maar ek is nogal teleurgesteld dat ek vals beskuldig was. Ons het vir 8 aande daar gebly en 'n redelike groot bedrag vir ons verblyf betaal. Ons het ook 'n dag vroeër vertrek a.g.v. omstandighede, en het nie aanspraak op die ekstra koste wat ons betaal het nie. Ek dink net ons kon met 'n bietjie meer waardigheid behandel word. In my beroep doen ek 'n eerlike werk, en ek sal beslis erken as ek iets verkeerd gedoen het. Die res van die huis was baie netjies deur ons gelos.

Heerlik waarde vir geld.

Baie aangename kuier gewees. Dit was 'n aangename verblyf in 'n baie netjiese en skoon plek. Chris en Leatitia is uitsonderlike aangename en hulpvaardige gashere.

Die eienaars was baie vriendelik. Alles was netjies en skoon. Rustigheid vir jou siel, mens het die stilte nodig.

Dit was uitstekend en laat jou welkom voel. Vir seker. Huislikheid, netheid, alles wat nodig is.