Zebula 97

4.8

Sien 2 resensies

6 gaste

3 slaapkamers

5 beds

3 badkamers

Gratis kansellasie tot 1 week voor jou verblyf!
6 gaste
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Zebula Golf Estate and Spa, Zebula Lodge 97, Mabula, 0480, Limpopo Sien kaart

Beskrywing

Zebula 97 bied selfsorgverblyf in Zebula Gholflandgoed en Spa, Limpopo. Dit is ideaal vir gesinne, paartjies of gaste wat die natuur en rustigheid wil geniet. (Lawaai en "bachelors" of ander partytjies word nie toegelaat nie.)

Let op dat die hoeveelheid gaste en motors streng gekontroleer word.

Hierdie huis bied slaapplek vir 6 gaste en bestaan uit 3 slaapkamers en 3 en-suite badkamers. Gaste kan kies tussen een koninggrootte-bed en 4 enkelbeddens OF 6 enkelbeddens in die drie slaapkamers. Twee slaapkamers is toegerus met ' n stort en een het 'n bad, elk met 'n eie toilet. Linne en badhanddoeke word voorsien.

Die volledig toegeruste kombuis het 'n yskas, stoof, oond, mikrogolfoond, broodrooster en ketel, sowel as 'n skottelgoedwasser. Daar is ook 'n kombuistoonbank met stoele waar gaste hul maaltye kan geniet. Die oopplan-sitkamer het gemaklike rusbanke waar gaste kan ontspan, sowel as 'n slim-TV. 20 Gb voorafbetaalde WiFi is beskikbaar en bykomende data kan bygekoop word indien nodig. Die data is genoeg om sport of 'n film te kyk, WhatsApp e-posse ens. maar raak uitgeput indien almal op hul eie toestelle "stream" of sosiale media kyk.

Buite het gaste toegang tot 'n groot patio met sitplek, braaigeriewe en veilige parkering. Aktiwiteite op die perseel sluit in wild- en voëlkyk, stap en fietsry. Gaste kan ook aktiwiteite soos gholf, spa, wildritte, die swembad, gimnasium, restaurant en padel by die nabygeleë klubhuis (10 min. weg) geniet.

Neem kennis dat die hele distrik gereeld krag-onderbrekings ervaar wat gewoonlik redelik gou herstel word. Dit is totaal buite ons beheer en ons kan ongelukkig nie daarvoor vergoed nie. Ons bied wel sekere gas-fasiliteite en 'n enkele rugsteun-battery.

Bespreek