LYS JOU BLYPLEK BY ONS
-
Maklik om te registreer
Vul asb. die intekenvorm onderaan die bladsy in om te begin. Jy sal sommer tjop-tjop jou lekke plek by ons gelys hê! Skakel ons gerus as jy vasbrand.
-
Mededingende pryse
Kommissie van 15% (BTW uitgesluit) word op elke bevestigde bespreking gehef. Daar is nie enige maandelikse fooie nie!
'n Eenmalige aktiveringsfooi van R500 (BTW uitgesluit) word gehef om jou eerste eiendom te aktiveer. -
Ons adverteer namens jou
Ons adverteer op Google, YouTube, radiostasies, Facebook, koerante, tydskrifte, borgskappe en nog baie meer! Ons het ook 'n ongelooflike gevolg op sosiale media.
-
Verskeie instansies, een rekening
Jy hoef net een keer in te teken om verskeie instansies op ons puik, gebruikersvriendelike eiendomsportaal te bestuur.
-
Kitsbespreking-integrasie
Ons ondersteun verskeie kitsbespreking-stelsels. Tariewe, beskikbaarheid, hoeveelheid kamers en die kapasiteit word outomaties op ons stelsel aangepas en gee jou die opsie om kitsbesprekings te maak.
-
Ons groei ongelooflik vinnig!
Met jaarlikse dubbelsyfer-groei is ons 'n uiters winsgewende opsie en bring ons instansie-eienaars sommer baie geld in die sak! Sluit nóú by ons aan of mis uit.
WAT SÊ ONS ANDER INSTANSIE-EIENAARS?
Wonderlik - hou aan met julle goeie werk!
Alles werk wonderlik.
Maklike manier vir my om te adverteer!
LYS NOU JOU BLYPLEK
Sluit nóú aan om baie meer aanlyn blootstelling te geniet
Bepalings en Voorwaardes
1.1
Die terme “Tripco” en “ons” verwys na die eienaar van die sagteware van die maatskappy met die fisiese adres The Pavilion, Corner Portswood and Beach Rd, V&A Waterfront, Kaapstad, 7945, Suid-Afrika en wat ingelyf is as Tripco (Pty) Ltd (Reg no. 2013/076256/07).
1.2
Die terme “jy” en “jou” verwys na die persoon of entiteit wat Tripco-sagteware gebruik het om een of meer akkommodasie-instansies te adverteer of dit op die oomblik adverteer, of enige persoon of entiteit wat dié instansies verteenwoordig, of enige persoon of entiteit wat dié instansies verteenwoordig deur van Tripco gebruik te maak, of enige persoon of entiteit wat hierdie instansies verteenwoordig wat, op enige manier, met Tripco of Tripco-Kliënte kommunikeer.
1.3
“Party” en “partye” verwys na beide “jy” én “ons”, of “jy” óf “ons”.
1.4
Die terme “Tripco-sagteware” of “ons Sagteware” verwys na alle webtuistes of sagteware-toepassings in Tripco se beheer of besit, en alle ander webtuistes of sagtewaretoepassings wat deur die Tripco-stelsel aangedryf word, en alle derdeparty-webtuistes of sagtewaretoepassings wat gebruik maak van die data wat deur Tripco voorsien word, en alle databasisse of lêerstore in Tripco se besit of beheer, en alle sosiale media of blogrekeninge in Tripco se besit en beheer.
1.5
Die term “jou Instansie” verwys na een of meer akkommodasie-instansies wat jy adverteer, in die verlede geadverteer het of in die toekoms op Tripco-sagteware wil adverteer. “Jou Instansie” verwys na die fisiese gebou en/of ligging van jou akkommodasie-instansie, asook sy sakebedrywighede as ’n akkommodasieverskaffer en verwante gasvryheidsdienste.
1.6
Die term “jou Inhoud” verwys na enige inligting oor jou Instansie wat aan Tripco voorsien word. Dit sluit in, maar is nie beperk nie tot, foto’s, beskrywings, tariewe en seisoene, kontakinligting, persoonlike inligting, eienskappe, beskikbare inligting en inligting oor die ligging. Dit sluit inligting in wat via ons sagteware, e-pos, of verbaal aan ons voorsien word, en wat ons self met jou toestemming versamel. Dit sluit ook enige inligting oor jou Instansie in wat via derdeparty-beskikbaarheidsagteware aan ons voorsien word.
1.7
Die term “jou Inskrywing” verwys na enige elemente van jou Inhoud en ander verwante materiaal wat jou Instansie gesamentlik op Tripco-sagteware ten toon stel, hetsy in die openbaar of nie.
1.8
Die term “Geregistreerde” of “om Te Registreer” of “die Inskrywing” verwys na die algemene openbare ten toon stelling van jou Inskrywing op Tripco-sagteware.
1.9
Die term “Deregistreer” of “Deregistrasie” verwys na die verwydering van jou Inskrywing vanaf die openbare ten toon stelling op Tripco-sagteware, in geheel of gedeeltelik vanaf sekere plekke in Tripco-sagteware, of vanaf alle plekke in Tripco-sagteware.
1.10
Die term “Tripco-rekening” verwys na die toegangsbeheerde gedeelte van Tripco-sagteware wat jy kan gebruik om jou Inskrywing en jou Inhoud op te dateer en om, onder nog funksies, jou kwotasies en besprekings te bestuur.
1.11
Die term “Kliënt” verwys gesamentlik na die persoon wat, met behulp van Tripco-sagteware, jou Instansie opgespoor het en/of ’n bespreking by jou Instansie gemaak het, asook die gaste namens wie die bespreking gemaak is.
1.12
Die term “Volle Besprekingswaarde” verwys na die volle besprekingswaarde wat deur jou gekwoteer is, of die volle besprekingswaarde wat deur derdeparty-beskikbaarheidsagteware vir ’n spesifieke bespreking terugbesorg is, wat ook al die geval mag wees. “Volle Besprekingswaarde” sluit enige ekstra fooie wat jy hef, soos administrasiefooie, skoonmaakfooie en besprekingsfooie, in. Dit sluit ook enige etes of ander dienste in wat in jou kwotasie as “ingesluit” gespesifiseer is, boodskappe aan die Kliënt, verbale kommunikasie met die Kliënt of ons personeel, of wat in enige van jou Inhoud beskryf is.
1.13
Die term “Kliëntverwagtings” verwys na die Kliënt se verwagting van die gehalte en aard van hul verblyf by jou Instansie, wat hul redelikerwys sou verwag toe hul die bespreking bevestig het. Dié verwagting kan afgelei word van jou Inhoud, kwotasies, boodskappe, e-posse of verbale kommunikasie tussen jou en die Kliënt of jou en ons personeel. Weglating van tersaaklike inligting uit jou Inhoud of uit enige van die bogenoemde kommunikasiemediums kan ook ’n effek op die Kliënt se verwagting hê.
1.14
Die term, “Bevredigende Verblyf” verwys na die Kliënt se verblyf by jou Instansie wat nie beduidend te kort skiet van hul Kliëntverwagtings nie.
1.15
Die term, “Onbevredigende Verblyf (soos gedefinieer in klousule 1.14)” verwys na die Kliënt se verblyf by jou Instansie wat beduidend te kort skiet van hul Kliëntverwagtings.
1.16
Die term “Toepaslike Kansellasiebeleid” in verband met ’n bespreking is die gesaghebbende beskrywing van die terugbetaling wat deur jou aan die kliënt verskuldig is indien hulle kanselleer of hul bespreking by jou Instansie gekanselleer het.
1.17
Enige gebruik van bogenoemde terminologie of ander woorde hetsy in die enkelvoud, meervoud, in hoofletter, hedetyd, verledetyd, toekomstige tyd, en/of hy/sy of hulle, word as uitruilbaar beskou en het dus dieselfde betekenis.
2. jou Inskrywing
2.1
Ons behou die reg voor om die Inskrywing van jou Instansie op Tripco-sagteware te deregistreer of te weier.
2.2
Ons sal nie aanspreeklik wees vir enige skade, verlies of verantwoordelikheid van enige aard ook al wat voortspruit uit ons Deregistrering of weiering van die Inskrywing van jou Instansie op Tripco-sagteware, of enige verlies van inligting wat deur jou voorsien is nie.
2.3
Ons weier die registrasie van verskeie tipes instansies uitdruklik. Dit sluit in, maar is nie beperk nie tot, instansies wat deelneem aan die jag van groot katte, bedreigde spesies, primate of instansies wat “geblikte jag” (“canned hunting”)-ervarings aanbied. Indien jy enige van dié dienste of enige ander dienste wat as omstrede geag word, aanbied, moet jy ons laat weet sodat ons kan aandui of ons jou Inskrywing sal goedkeur.
2.4
Tripco behou die reg voor om akkommodasie-opsies in enige volgorde aan die Kliënte te vertoon. Die kriteria waarvolgens ons jou Inskrywing in Tripco-sagteware orden of posisioneer hoef nie deursigtig te wees nie, en mag enige tyd sonder kennisgewing verander.
2.5
jou Inskrywing mag langs enige ander media en/of inhoud, insluitend baniere en advertensies van enige produk vertoon word. Jy is nie geregtig op enige inkomste wat uit die genoemde advertering voortgebring word nie.
2.6
Tripco mag hiperskakels na enige ander Internetadresse op jou Inskrywing en enige ander plek op Tripco-sagteware publiseer. Hierdie hiperskakels se bestemming mag binne of buite Tripco-sagteware wees.
3. DEREGISTREER
3.1
Tripco mag enige tyd, sonder kennisgewing, volgens sy eie diskresie, en eensydig, jou Instansie van ons Sagteware Deregistreer.
3.2
Indien jy versoek dat jou Instansie Gederegistreer word van ons sagteware, sal Tripco jou Instansie binne vyf werksdae deregistreer.
3.3
Jy beskik nie oor die eksplisiete of implisiete reg om jou Instansie op Tripco se stelsel Geregistreer te hê nie. Dit geld ongeag enige voorafgaande verhouding, registrasietydperk, aantal kliënte wat verwys is, betalings wat gemaak is, potensiële effek op jou besigheid of enige ander faktor.
3.4
Jy sal geen verhaalreg hê op Tripco of enige verwante party indien jy Gederegistreer word nie.
3.5
Alhoewel ons jou om welke rede ook al mag Deregistreer, of dit nou ooreengekom is met jou of nie, voorsien ons ’n nie-volledige lys van redes vir Deregistrasie:
- Onregverdige diskriminasie teen Kliënte
- Swak diens
- Slegte waarde vir geld
- Onvermoë om ’n sekuriteitstoets te slaag
- As jy ons geld skuld
- Slegte publisiteit in verband met jou Instansie
3.6
Tripco hoef nie enige rede te gee waarom jou Instansie Gederegistreer is nie.
3.7
Indien jou Instansie Gederegistreer word, sal die regte en verpligtinge van alle partye onder die bepalings van hierdie ooreenkoms voortduur.
3.8
Wanneer jou Instansie Gederegistreer word, duur die regte van enige Kliënte wat reeds via Tripco-sagteware bekendgestel is, voort.
3.9
Wanneer jou Instansie Gederegistreer word, behou Tripco die reg voor om enige van jou Inhoud te gebruik vir enige bemarkingsmateriaal wat reeds ontwerp is of advertensieruimte wat alreeds aangekoop is.
3.10
Wanneer jou Instansie Gederegistreer word, behou Tripco die reg voor om jou Inhoud in Tripco-sagteware te behou, en om jou Inskrywing aan Kliënte te vertoon wat alreeds in die verlede navrae of besprekings by jou Instansie gemaak het.
4. JOU INHOUD
4.1
Ons behou die reg voor om jou Inskrywing enige tyd in ooreenstemming met beste praktyke op die Tripco-sagteware aan te pas. Dit word nie van ons vereis om jou in kennis te stel van sodanige aanpassings nie.
4.2
Jy waarborg dat jou Inhoud (insluitend maar nie beperk nie tot teks en foto’s) oorspronklik is en dat jy die reg het om dit vir bemarkingsdoeleindes te gebruik.
4.3
Jy waarborg dat niks van jou Inhoud op enige manier die kopiereg van enige derdeparty van enige aard enigsins deurbreek of skend nie, en hiermee vrywaar jy ons teen enige en alle eise deur derdepartye ten opsigte van enige breuk of beweerde breuk van intellektuele eiendomsreg as gevolg van jou Inhoud.
4.4
Deur jou Inhoud op te laai, gee jy vir ons toestemming om ewigdurend gebruik te maak van hierdie inhoud om enige rede insluitend, maar nie beperk nie tot, die adverteer of bevordering van jou Inskrywing, advertering of bevordering van enige toerismebestemmings, advertering of bevordering van Tripco-sagteware, of advertering of bevordering van enige handelsmerke in besit van Tripco-sagteware of vennote van Tripco. Hierdie reg sal hierdie ooreenkoms oorleef.
4.5
Jy gee ons die reg om jou Inhoud aan te pas. Dit sluit in, maar is nie beperk nie tot, geknipte foto’s, beskrywings wat oorgeskryf word en vertalings, en om hierdie aangepaste inhoud op jou Instanskrywing te vertoon. Jy besit nie hierdie aangepaste inhoud nie en mag hierdie aangepaste inhoud nie sonder ons skriftelike toestemming gebruik nie.
4.6
Ons mag jou Inhoud in enige media, insluitend, maar nie beperk nie tot, sosiale media, gedrukte media en televisie sonder kennisgewing gebruik.
4.7
Ons sal nie aanspreeklik wees vir enige skade, verlies of verpligting van enige aard wat voortspruit uit enige onopsetlike misbruik van jou Inhoud nie.
5. KORREKTHEID VAN JOU INHOUD
5.1
Jy onderneem om te verseker dat jou Inhoud jou Instansie akkuraat uitbeeld, asook om ons in kennis te stel van enige wesenlike veranderinge aan jou Instansie wat relevant sal wees vir Tripco en/of Kliënte wat deur Tripco bekendgestel.
5.2
Jy onderneem om te verseker dat al jou Inhoud korrek is en deurentyd hersien word, insluitend, maar nie beperk nie tot, die beskrywing van jou tariewe, beskikbaarheid, en beskikbare dienste nie.
5.3
Wanneer die bestuur of eienaarskap van jou Instansie verander, is dit jou verantwoordelikheid om Tripco daarvan in kennis te stel.
5.4
Indien jy versuim om jou Inhoud huidig en op datum te hou, behou ons die reg tot jou Inhoud voor om die toestand van jou Instansie te weerspieël.
5.5
As jy gebruik maak van ’n derdeparty-beskikbaarheidsverskaffer wat met Tripco-sagteware geïntegreer is, mag Tripco aanneem dat die data wat ons oor jou Instansie van hierdie verskaffer verkry altyd akkuraat en op datum is. Jy sal aanspreeklik wees vir enige probleme wat ontstaan as gevolg van inligting wat ons van hierdie verskaffer ontvang wat nie op datum is nie of onakkuraat is.
5.6
Tripco sal nie aanspreeklik wees vir enige skade, verlies, of verpligting van enige aard wat voortspruit uit enige wanvoorstelling deur jou nie.
6. WAGWOORDE EN TOEGANG
6.1
Jy sal wetlik verbind wees tot enige aksie wat deur die gebruik van Tripco-sagteware deur enige persoon met toegang tot jou Tripco-rekening uitgevoer word.
6.2
Enigiemand met toegang tot jou e-posadres of met die wagwoord vir jou Tripco-rekening of met toegang tot ’n toestel waarop jy by jou Tripco-rekening ingeteken is, sal toegang hê tot jou Tripco-rekening. Ons sal, redelikerwys, veronderstel dat jy toestemming vir dié toegang gegee het.
6.3
Hiermee vrywaar jy Tripco van enige verlies, skade of aanspreeklikheid van enige aard wat voortspruit uit ongemagtigde toegang tot Tripco-sagteware.
7. RESENSIES
7.1
Tripco mag gaste se opmerkings en/of resensies oor of in verband met jou Inskrywing publiseer.
7.2
Tripco is nie op enige manier verantwoordelik of aanspreeklik vir die bevestiging van die akkuraatheid van hierdie opmerkings van gaste wat gepubliseer word nie.
7.3
Tripco sal nie aanspreeklik wees vir enige direkte of indirekte verlies of skade van enige aard en wat op welke manier ook al voortspruit uit gaste se opmerkings oor of in verband met jou Inskrywing wat gepubliseer word nie.
7.4
Wanneer jy ’n reaksie op ’n resensie skryf, stem jy in dat Tripco die reaksie op jou Inskrywing mag publiseer, of die reaksie mag redigeer voor publikasie, of besluit om dit nie in die openbaar op Tripco-sagteware te publiseer nie.
8. NAVRAAG-KWOTASIE-BESPREKINGS
8.1
Wanneer ’n Kliënt Tripco-sagteware gebruik om ’n beskikbaarheidsnavraag by jou Instansie te doen, word jy gevra om ’n elektroniese kwotasie deur middel van Tripco-sagteware aan die kliënt te stuur. Dié kwotasie kan outomaties namens jou deur Tripco-sagteware gestuur word, as dit so gereël is.
8.2
As jy, om welke rede ook al, nie daartoe in staat is om die Kliënt onder die voorwaardes waarvoor hy/sy navraag gedoen het te akkommodeer nie, is jy verplig om die navraag deur middel van Tripco-sagteware as onbeskikbaar aan te teken, en om dit nie gewoon te ignoreer nie. As jy nie binne ’n redelike tydperk op ’n navraag reageer nie, mag dit jou Inskrywing se ranglysposisie op Tripco-sagteware negatief beïnvloed, en ons sal in sulke gevalle aanneem dat jou Instansie volbespreek is vir die betrokke datums waarvoor navraag gedoen is en ons mag dit só aan die Kliënt kommunikeer. As jy navrae herhaaldelik ignoreer, mag jou Instansie onderhewig wees aan Deregistrasie.
8.3
Indien ’n kwotasie gestuur word, vorm dit ’n wetlike aanbieding deur jou wat aanvaar of afgekeur kan word deur die Kliënt.
8.4
Elke kwotasie word met ’n spesifieke vervaldatum gestuur en kan gedurende die tydperk voor die vervaldatum deur die Kliënt aanvaar word. As die Kliënt die kwotasie voor die vervaldatum aanvaar, bestaan daar ’n bindende kontrak tussen jou en die Kliënt.
8.5
Totdat ’n Kliënt ’n voorneme aandui om ’n kwotasie te aanvaar deur die bespreking “voorlopig te bevestig” op Tripco-sagteware, word dit nie van jou vereis om die beskikbaarheid eksklusief vir daardie Kliënt te hou nie. Gedurende die tydperk voor die voorlopige bevestiging deur die Kliënt, sal dit vir jou moontlik wees om die kwotasie deur middel van Tripco-sagteware te onttrek.
8.6
Sodra ’n Kliënt die voorneme om te betaal bevestig deur “voorlopig te bevestig” op die Tripco-sagteware, sal Tripco jou hiervan inlig, en hierna word daar van jou vereis om die gekwoteerde akkommodasie eksklusief vir die Kliënt uit te hou. Nadat daar “voorlopig bevestig is”, sal die meeste van die Kliënte voortgaan en betaal. As ’n Kliënt egter nie die deposito voor die vervaldatum wat in jou aanbod gespesifiseer is betaal nie, het die kwotasie verval en word dit outomaties onttrek.
8.7
Die bespreking is bevestig wanneer die Kliënt Tripco betaal deur middel van ’n kredietkaart, elektroniese fondsoorplasing (“EFT”), ’n ander betalingsmetode of wanneer Tripco bewys van sodanige betaling ontvang.
9. KITSBESPREKINGS
9.1
Indien jy van derdeparty-sagteware gebruik maak wat met Tripco-sagteware geïntegreer is, sal Kliënte kan sien of jou Instansie op daardie spesifieke oomblik op Tripco-sagteware beskikbaar is, en dan sal dit vir hulle moontlik wees om kitsbesprekings by jou Instansie via Tripco-sagteware te maak.
9.2
Tripco mag aanneem dat die beskikbaarheidsinligting en tariefinligting wat ons van derdeparty-beskikbaarheidsagtware ontvang, altyd korrek en op datum is. Jy sal aanspreeklik wees vir enige probleme wat voortspruit uit verouderde of onakkurate inligting wat ons ontvang van die genoemde derdeparty.
9.3
’n Kitsbespreking is bevestig wanneer ’n Klient Tripco betaal deur middel van ’n kredietkaart, elektroniese fondsoorplasing, ’n ander betalingswyse of wanneer Tripco bewys van sodanige betaling ontvang.
9.4
Wanneer die bespreking bevestig is, sal Tripco jou daarvan inlig deur ’n e-pos aan jou te stuur. Ons sal ook daarna streef om die bespreking in derdeparty-beskikbaarheidsagteware as bevestig aan te teken.
9.5
Indien Tripco, om welke rede ook al, nie die bespreking op die derdeparty-beskikbaarheidsagteware as bevestig kan aanteken nie, sal jy steeds verplig wees om die bespreking na te kom, mits ons betyds e-pos-bevestiging daarvan aan jou gestuur het.
10. BETALINGS
10.1
Hiermee stel jy Tripco aan as jou agent, geregtig om betalings namens jou, met betrekking tot enige besprekings by jou Instansie wat gemaak is via Tripco-sagteware, te ontvang. Hierdie betalings sluit besprekingsdeposito’s wat deur jou vereis word, in, of enige ander betaling, insluitende balansbetalings, wat die Kliënt in verband met hulle bespreking by jou Instansie aan Tripco betaal.
10.2
Vir sulke betalings kom jy ooreen om te aanvaar dat die Kliënt enige bedrag betaal het waarvan Tripco melding gemaak het.
10.3
As jy ’n deposito van minder as 100% op Tripco-sagteware vereis, is dit jou verantwoordelikheid om enige addisionele bedrag wat die Kliënt nog verskuldig is, in te vorder.
10.4
Tripco sal alle bedrae wat ons vanaf die Kliënt invorder, aan jou oorbetaal, onderhewig aan die aftrekkings wat elders in hierdie ooreenkoms gespesifiseer word.
10.5
Tripco behou die reg voor om enige bedrae wat die Kliënt namens jou aan ons betaal het, te weerhou tot 7 dae nadat die Kliënt by jou Instansie uitgeklok het. Dit stel ons in staat om seker te maak dat die Kliënt se Bevredigende Verblyf (soos gedefinieer in klousule 1.14).
10.6
Alhoewel Tripco gereeld die bedrae wat ons namens jou van die Kliënt ontvang het aan jou betaal kort nadat ons dit ontvang het, sal hierdie toegeeflikheid in die toepassing van ons reg wat in die bogenoemde sub-klousule gespesifiseer is, nie afbreuk doen aan ons reg om dit in die toekoms toe te pas nie.
10.7
Dit is jou verantwoordelikheid om jou korrekte bankbesonderhede aan Tripco te voorsien, asook die bewys daarvan indien ons dit aanvra. In geval van ’n verandering van eienaarskap of bankrekening, moet jy Tripco onmiddellik dienooreenkomstig in kennis stel. Tripco sal nie verantwoordelik wees vir betalings wat in ’n verkeerde rekening gemaak is as ons nie vroegtydig van die verandering van bankbesonderhede in kennis gestel is nie.
10.8
Hiermee stem jy in dat sekere oorbetalings van ons aan jou vertraag mag wees as gevolg van onvoorsiene omstandighede, insluitende besige gebruikerstydperke wat aanlyn-bankdienste onbruikbaar maak, of situasies waar ’n Kliënt se tevredenheid met verblyf onder geskil is, of in situasies waar die besonderhede oor die bedrag wat aan jou verskuldig is onder geskil is, of waar ons nog nie jou bankbesonderhede of voldoende bewys daarvan ontvang het nie.
10.9
Tripco mag enige bedrae wat jy aan Tripco verskuldig is, om welke rede ook al, aftrek van enige bedrae wat Tripco aan jou skuld, insluitend, maar nie beperk nie tot, ons kommissie wat op enige besprekings verdien is, of terugbetalings wat ons namens jou aan Kliënte gemaak het.
10.10
Tripco mag die Kliënt vir addisionele fooie in verband met die dienste wat ons gelewer het om hulle by te staan met hul akkommodasiebespreking by jou Instansie debiteer. Jy sal geen aanspraak hê oor enige fooie vir addisionele dienste of om ander redes wat aan Tripco betaal is nie.
10.11
Tensy die besprekingsbesonderhede wesenlik aangepas is, sal die Kliënt nie daarvoor verantwoordelik wees om enige bedrag buiten die Volle Besprekingswaarde aan jou te betaal nie, behalwe addisionele opsionele ekstra items of dienste wat hulle by jou mag aankoop gedurende of voor hul verblyf.
11. KOMMISSIE
11.1
Jy stem in om kommissie te betaal op enige besprekings by jou Instansie deur Kliënte wat deur Tripco of via Tripco-sagteware aan jou Instansie voorgestel is.
11.2
Ons hef ’n nie-terugbetaalbare kommissie van 15% (BTW uitgesluit) op die Totale Besprekingswaarde omdat ons die bespreking moontlik gemaak het of die kliënt bekendgestel het. Indien daar op enige ander bedrag as 15% van die totale besprekingswaarde ooreengekom word, moet dit skriftelik of met behulp van Tripco se sagteware gedoen word.
11.3
BTW sal by die genoemde kommissie bygevoeg word waar van toepassing.
11.4
Tripco sal die kommissie op grond van die Volle Besprekingswaarde bereken en sal ’n belastingfaktuur vir die genoemde kommissie aan jou uitreik. Die tydsberekening van die faktuur sal saamval met die tydstip waarop die bankdeposito betaal is. Jy kan hierdie faktuur aan die einde van die maand deur middel van Tripco-sagteware aflaai.
11.5
Indien ons kommissie vir ’n sekere bespreking om enige rede aangepas word, insluitend omrede kansellasies of besprekingsaanpassings, sal ons aanpassingsbelastingfakture of debietnotas uitreik, wat ook al die geval mag wees. Die tydsberekening hiervan sal met die tydstip wanneer die kansellasie of aanpassing gemaak is, saamval.
11.6
Hiermee stem jy in dat jy nie die Tripco-sagteware sal systap wanneer jy met enige Kliënt te doen het wat deur Tripco aan jou voorgestel is nie. Enige kommunikasie tussen jou en enige Kliënte deur middel van Tripco-sagteware moet via Tripco-sagteware of via Tripco-personeel gedoen word totdat die Kliënt die deposito vir ’n bespreking by jou Instansie betaal het. Indien hierdie proses gesystap word, en die Kliënt by jou Instansie bespreek, sal jy steeds aanspreeklik wees vir ons kommissie op die Volle Besprekingswaarde van die bespreking.
11.7
Indien jou Instansie BTW-geregistreer is, is dit jou verantwoordelikheid om ’n belastingfaktuur vir die Volle Besprekingswaarde vir die verblyf by jou Instansie aan die Kliënt uit te reik, tensy Tripco jou in kennis gestel het dat ons die faktuur namens jou sal uitreik soos in die sub-klousule hier onder beskryf.
11.8
Jy verleen Tripco, as jou agent, die reg om namens jou Belastingfakture aan Kliënte uit te reik deur gebruik te maak van ons BTW-besonderhede. Tripco sal jou altyd in kennis stel as ons dit doen, en sal al sulke fakture aan jou stuur. In sulke gevalle moet jy nie self ’n faktuur aan die Kliënt stuur nie, en as jou Instansie BTW-geregistreer is, moet jy steeds die afvoer-BTW wat genoem word in die fakture wat ons aan jou stuur, in ooreenstemming met Artikel 54 (1) van die Suid-Afrikaanse Wet op Belasting op Toegevoegde Waarde, verklaar.
11.9
Jy stem in dat jy nie Tripco se kommissie aan ’n Kliënt bekend sal maak of vertoon nie. Dit moet, byvoorbeeld, nie op enige staat of faktuur wat jy aan die Kliënt voorsien, vertoon word nie.
12. LEWERING
12.1
Hiermee stem jy in om besprekings wat deur Tripco as “bevestig” aangemeld is, na te kom of jy nou die gepaardgaande betalings ontvang het al dan nie.
12.2
Wat jou betref geskied lewering wanneer ’n Kliënt die akkommodasie wat bespreek is fisies beset het en Bevredigende Verblyf (soos gedefinieer in klousule 1.14) beleef het.
13. NIE-LEWERING
13.1
Nie-lewering geskied as ’n Kliënt nie Bevredigende Verblyf (soos gedefinieer in klousule 1.14) by jou Instansie beleef het nie.
13.2
Verwagte nie-lewering geskied as Tripco redelikerwys verwag dat nie-lewering vir ’n toekomstige bespreking mag plaasvind. Verwagte nie-lewering word vir alle doeleindes in hierdie kontrak as nie-lewering beskou.
13.3
Voorbeelde van nie-lewering sluit in, maar is nie beperk nie tot, die volgende:
- Enige verblyf waar die Kliënt Onbevredigende Verblyf (soos gedefinieer in klousule 1.14) beleef het.
- Gevalle waar jou Instansie wesenlik wanvoorgestel is of vals geadverteer is op Tripco-sagteware.
- Gevalle van dubbelbespreking waar jy nie die Kliënt se verblyf presies soos gespesifiseer in hulle bespreking kan nakom nie.
- Eensydige kansellasie van jou kant af, of as jy weier om die bespreking na te kom.
- Gevalle waar die Kliënt se bespreking nie deur die nuwe eienaar of bestuur van jou Instansie nagekom word nie, of omdat jou Instansie nie meer in bedryf is nie.
- Gevalle waar dit nie vir Tripco of die Kliënt moontlik is om jou te kontak met die kontakbesonderhede wat jy voorsien het nie.
- Onvoldoende of foutiewe inligting oor die wyse waarop toegang tot jou Instansie verkry word met aankoms wat aan die Kliënt voorsien word.
13.4
Voorbeelde van verwagte nie-lewering sluit in, maar is nie beperk nie tot:
- Tripco verloor vertroue in jou vermoë om voortdurend ’n goeie ervaring aan te bied.
- Slegte publisiteit in verband met jou Instansie.
- ’n Natuurramp in of naby jou streek.
- As Tripco vermoed jou Instansie is bedrieglik.
13.5
In geval van ’n nie-gelewerde bespreking, kan die Kliënt kies om ’n volledige terugbetaling of, indien die verblyf nog nie voltooi is nie, ’n plaasvervangingsbespreking vir daardie nagte wat nog nie gebruik is nie, te ontvang.
13.6
Gevalle van nie-lewering is nie onderhewig aan jou gewone kansellasiebeleid nie.
- Jy sal aanspreeklik wees vir enige bedrae wat alreeds aan jou betaal is vir die nie-gelewerde bespreking.
- Jy sal enige bedrae wat op daardie oomblik aan jou verskuldig is vir die nie-gelewerde bespreking, verbeur.
- Tripco behou die reg om jou te faktureer vir die kommissie op die Volle Besprekingswaarde van ’n nie-gelewerde bespreking.
13.7
In die geval waar ’n Kliënt Tripco kies om ’n plaasvervangerbespreking in die hande te kry as gevolg van nie-lewering van jou kant af, sal Tripco daarna streef om ’n plaasvervangerbespreking op te spoor wat aan Kliëntverwagting voldoen. Jy erken dat dit in sekere gevalle, veral gedurende die hoogseisoen, ’n plaasvervangerbespreking tot gevolg sal hê wat aansienlik meer kos as die Volle Besprekingswaarde. Jy sal teenoor Tripco aanspreeklik wees vir die verskil in koste tussen die Volle Besprekingswaarde van die nie-gelewerde bespreking en die plaasvervangerbespreking vir dié nagte wat vervang is.
14. KANSELLASIES ONDERHEWIG AAN JOU BEPALINGS
14.1
Wanneer ’n Kliënt ’n bespreking kanselleer, sal jy daarvoor aanspreeklik wees om die bedrag soos bereken volgens die Toepaslike Kansellasiebeleid vir daardie bespreking aan hulle terug te betaal.
14.2
Die laaste kansellasiebeleid wat jy in verband met hul bespreking aan die Kliënt voorgelê het voor hulle die bespreking bevestig het, word die Toepaslike Kansellasiebeleid vir daardie bespreking, of jy nou die beleid via Tripco-sagteware, derdeparty-beskikbaarheidsagteware, boodskappe, e-posse, of verbaal voorgelê het.
14.3
Wanneer jy ’n meer gunstige kansellasiebeleid aan die Kliënt voorlê nadat die bespreking reeds bevestig is, sal daardie meer gunstige kansellasiebeleid die Toepaslike Kansellasiebeleid vir daardie bespreking word. Jy sal verbind wees tot hierdie nuwe kansellasiebeleid, selfs retrospektiewelik, ongeag of dit voorgelê is voor of na die bespreking gekanselleer is en ongeag of jy dit via Tripco-sagteware, derderparty-beskikbaarheidsagteware, boodskappe, e-posse, of verbaal voorgelê het.
14.4
Die Toepaslike Kansellasiebeleid van ’n spesifieke bespreking is net van toepassing op die deposito bedrag wat deur jou versoek is. Enige aspek van die Toepaslike Kansellasiebeleid wat addisionele betalings buiten die depositobedrag vereis, is ongeldig. Selfs in die geval waar ’n gas nie opdaag nie, kan niks meer as die vereiste deposito aan jou verskuldig wees nie.
14.5
Jy stem in dat enige addisionele bedrag, bo en behalwe die vereiste deposito, wat deur die Kliënt betaal is, 100% terugbetaalbaar is met kansellasie. Dit geld nie vir enige betalings wat gemaak is met betrekking tot enige nagte wat alreeds by die Instansie deurgebring is nie.
14.6
Jy stem in dat enige dubbelsinnigheid in die Toepaslike Kansellasiebeleid met betrekking tot enige bespreking altyd tot voordeel van die Kliënt geïnterpreteer sal word.
14.7
Tripco behou die reg voor om al die kommissie te behou wat ons op enige gekanselleerde bespreking verdien het.
14.8
Alhoewel Tripco dikwels sal besluit om die kommissie wat ons op ’n gekanselleerde bespreking in ooreenstemming met die Toepaslike Kansellasiebeleid van daardie bespreking te pro rata, sal hierdie toegeeflikheid in die toepassing van ons reg om alle kommissie wat op enige gekanselleerde bespreking verdien is te behou, nie afbreuk doen aan ons reg om dit in die toekoms toe te pas nie.
15 TERUGBETALINGS AAN KLIËNTE
15.1
Daar is geleenthede waartydens die Kliënt terugbetalings van bedrae wat hul vir hul bespreking by jou Instansie betaal het, verskuldig is. Hierdie terugbetalings kan in geheel of gedeeltelik wees. Sulke terugbetalings kan verskuldig wees om verskeie redes, insluitend, maar nie beperk nie tot, kansellasies of besprekingsaanpassings.
15.2
Wanneer ’n terugbetaling aan ’n Kliënt verskuldig is, sal Tripco, die vereiste gedeelte van die deposito of balansbetalings wat die Kliënt vroeër betaal het namens jou terugbetaal.
15.3
Vir daardie bedrae wat die Kliënt direk aan jou vir hul bespreking betaal het, insluitend, maar nie beperk nie tot, balansbetalings en betalings vir opsionele ekstras, sal jy die vereiste gedeelte van hierdie bedrae direk aan die Kliënt terugbetaal, tensy dit met Tripco gereël is dat ons hulle namens jou terugbetaal.
15.4
Vir alle bedrae wat Tripco aan die Kliënt terugbetaal, behou ons die reg om hierdie bedrae by jou in te vorder, in die mate wat jy dit voor die tyd ontvang het, hetsy van ons of direk van die Kliënt.
15.5
Enige bedrag wat jy aan Tripco of die Kliënt verskuldig is as gevolg van ’n kansellasie of ’n besprekingsaanpassing is onmiddellik betaalbaar.
15.6
Tripco mag enige aksie onderneem om onbetaalde skuld van jou te verhaal, insluitend, maar nie beperk nie tot, die aftrek van jou skuld van ander bedrae wat ons jou skuld, Deregistrasie van jou Instansie, die indiensneming van ’n skuldinvorderingsagentskap of die plasing van jou op die swartlys in die bedryf. In sulke omstandighede kan rente retrospektiewelik toegepas word op enige uitstaande bedrae teen ’n koers van 5 persentasiepunte bo prima-uitleenkoers.
16 BEDRIEGLIKE TRANSAKSIES EN VALS BETALINGS
16.1
Jy erken dat, in geval van ’n Kliënt wat ‘n bedrieglike kredietkaartbetaling maak, ‘n bedrieglike bankdeposito, ’n bedrieglike bewys van betaling of wanneer ’n Kliënt se betaling om welke rede ook al deur die bank of enige ander agentskap omgekeer word, Tripco se verantwoordelikheid beperk is tot die verbeur van enige kommissie wat Tripco op die bespreking verdien het en dat jy verantwoordelik is vir die terugbetaling van enige betaling wat jy ontvang het in verband met die bespreking, ongeag die Toepaslike Kansellasiebeleid vir daardie bespreking. Hierdie bedrag moet onmiddellik aan ons terugbetaal word wanneer ons jou in kennis stel dat die betaling omgekeer is uit ons bankrekening.
16.2
Wanneer Tripco ’n bespreking bevestig op grond van ’n verwagting om betaling van ’n Kliënt te ontvang of daarop aanspraak maak dat betaling van ’n Kliënt ontvang is, maar daardie aanspraak of verwagting vals is, aanvaar jy dat Tripco die betrokke bespreking kan kanselleer sonder boete. Jy sal glad nie aanspraak kan maak in verban met so ’n kansellasie nie, selfs al het die verblyf alreeds plaasgevind.
17 DIE BEDRYF VAN JOU INSTANSIE
17.1
Tripco aanvaar nie op enige manier verantwoordelikheid vir die bestuur van jou Instansie nie.
17.2
Dit is alleenlik jou verantwoordelikheid om:
- Gehoor te gee aan wette en/of bywette wat van toepassing mag wees op jou Instansie
- Jou Instansie voldoende en akkuraat te verseker.
- ’n Agtenswaardige besigheid in verband met jou Instansie te bedryf wat Tripco en Tripco se handelsmerke goed verteenwoordig.
- Te alle tye bereikbaar te wees. Dit is jou verantwoordelikheid om seker te maak dat alle e-posse van “lekkeslaap.co.za” en sy verwante webtuistes deur jou e-pos-sagteware gewitlys word (met ander woorde, om seker te maak dat ons e-pos nie in jou “rommel”-lêer beland nie).
17.3
Dit is jou verantwoordelikheid om seker te maak dat in geval van nuwe bestuur of eienaarskap van jou Instansie, die nuwe eienaar of bestuurder hierdie ooreenkoms asook enige bestaande besprekings wat via Tripco gemaak is, sal eerbiedig. Maar jy sal wel aanspreeklik bly in terme van hierdie ooreenkoms.
18 GEAFFILIEERDE VENNOOTSKAPPE
18.1
Tripco mag, van tyd tot tyd, vennootskappe aangaan met ander webtuistes, toepassings (“apps”) of maatskappye met die doel om, maar nie beperk nie tot, eiendomme wat op Tripco-sagteware geregistreer is.
18.2
Tripco mag, volgens Tripco se eie diskresie, alle regte aan hierdie vennote gee.
18.3
Tripco is onder geen verpligting om jou oor enige vennootskappe wat Tripco aangegaan het, in te lig nie, of om jou in te lig as jou Inhoud met ’n vennoot gedeel word nie, of om spesifiek aan te teken watter navrae of besprekings deur ‘n vennoot voorgestel is nie.
18.4
Tripco sal nie aanspreeklik wees vir enige aksies van geaffilieerde vennote, insluitend in verband met jou Inhoud.
19 BESKERMING VAN PERSOONLIKE INLIGTING
19.1
Jy onderneem om enige persoonlike inligting wat deur Tripco aan jou voorsien word volgens ten minste die standaard wat deur Suid-Afrika se Wet op die Beskerming van Persoonlike Inligting van jou vereis word, en enige ander toepaslike wetgewing, te beskerm.
19.2
Jy onderneem dat jou ouditprosedures, deurlopende kontrolering van stelsels, veilige verwydering van data en jou tegniese en organisatoriese sekuriteitstandaarde ten minste die standaard wat deur Suid-Afrika se Wet op die Beskerming van Persoonlike Inligting van jou vereis word, en enige ander toepaslike wetgewing, handhaaf.
19.3
Jy onderneem om Tripco so gou moontlik, en nie meer as 24 uur ná jy van die oortreding bewusgemaak is nie, by by legal@tripco.africa oor enige vermoedelike skending van persoonlike inligting wat deur Tripco voorsien is, in te lig.
19.4
Lees Tripco se PAIA & POPI-handleiding vir meer inligting rakende ons ondernemings met betrekking tot die beskerming van persoonlike inligting.
20 GESAGHEBBENDE REKORD
20.1
Tripco se (outomatiese en “manual”) rekord sal geld in enige geskil oor bespreking, kommunikasie of transaksies. Tripco mag enige sulke rekords sonder vooroordeel aanpas wanneer ons in kennis gestel word van enige spekulatiewe, onbehoorlike of bedrieglike rekords.
21 VERANDERING VAN OOREENKOMS
21.1
Hierdie ooreenkoms, of enige gedeelte daarvan, mag enige tyd na ’n kennisgewingstydperk van 48 uur wat begin sodra Tripco jou e-pos by die e-posadres wat jy voorsien het met ’‘n kopie van die nuwe ooreenkoms of ’n skakel na die nuwe ooreenkoms, verander. Na hierdie kennisgewingstydperk aanvaar ons dat jy ingestem het tot die nuwe ooreenkoms en jy sal daarna kontraktueel verbind wees tot die nuwe ooreenkoms, tensy jy aktief jou Instansie Gederegistreer het van Tripco-sagteware voor die vervaldatum van die genoemde kennisgewingstydperk.
22 VRYWARING EN BEPERKING VAN AANSPREEKLIKHEID
22.1
Tensy anders aangedui in hierdie ooreenkoms, sal Tripco nie aanspreeklik wees vir enige direkte of indirekte verlies of skade wat jou mag oorkom as gevolg van die gebruik van Tripco-sagteware deur enige party, wat hoe ook al en op watter manier ook ontstaan nie.
22.2
Hiermee vrywaar jy ons teen enige eis vir verlies of skade as gevolg van jou Inskrywing, hetsy direk teen ons of teen jou en ons, sover dit verband hou met jou Inhoud of die skakels op jou Inskrywing.
22.3
In die geval dat, nieteenstaande die oorblywende bepalings van hierdie ooreenkoms, ons tot jou aanspreeklik is vir enige skade, is hierdie aanspreeklikheid beperk tot ‘n maksimum van die kommissie wat jy aan ons betaal het.
23 TEENSPRAAK VIR ALGEMENE GEBRUIK VAN SAGTEWARE
23.1
Tripco-sagteware word besit en bedryf deur Tripco. Alle databasisse, inligting en stelsels is Tripco se eiendom.
23.2
Tripco en enige agente van Tripco se agente of verteenwoordigers sal nie aanspreeklik wees vir enige skade, verlies, of verantwoordelikheid van welke aard ook al wat uit die onvermoë om Tripco-sagteware of die dienste of inhoud wat van en deur Tripco-sagteware voorsien word, voortspruit nie. Verder maak Tripco geen vertoë en lewer geen waarborge, hetsy implisiet of andersins, dat die inhoud en tegnologie wat via Tripco-sagteware beskikbaar is, onder andere, foutloos of sonder weglatings is of dat die diens ononderbroke of foutloos sal wees nie. Ons moedig jou aan om enige moontlike abnormale werking en foute aan info@lekkeslaap.co.za te rapporteer.
23.3
Tripco-sagteware word voorsien “soos dit is” en is nie saamgestel of voorsien om te voldoen aan jou spesifieke behoeftes nie. Dit is alleenlik jou verantwoordelikheid om, voordat jy hierdie ooreenkoms met Tripco aangaan, seker te maak dat die diens wat in en deur hierdie sagteware beskikbaar is, voldoen aan jou spesifieke behoeftes en dat dit versoenbaar is met jou hardeware en/of sagteware.
23.4
Tripco-sagteware bevat inhoud en materiaal wat aan Tripco gelisensieer is en in Tripco se besit is. Hierdie materiaal sluit in, maar is nie beperk nie tot, die ontwerp, uitleg, styl, hoe dit vertoon en grafika, en mag onderhewig wees aan kopiereg en/of ander ontwerp- of intellektuele eiendomsreg. Jy mag nie hierdie inligting kopieer, dupliseer of gebruik nie, behalwe op die manier waarop ooreengekom is tussen ons en/of die reghouer, of in die mate waartoe hierdie gebruik bykomstig is tot jou gebruik van Tripco-sagteware.
23.5
Ongemagtigde gebruik van Tripco-sagteware mag skadevergoedingseise deur Tripco tot gevolg hê en/of ’n misdryf wees.
23.6
Jou gebruik van Tripco-sagteware en enige geskil wat uit hierdie gebruik voortspruit is onderhewig aan die wette van Suid-Afrika.
23.7
Ons onderneem om Tripco-sagteware in stand te hou en dit sluit die registrasiediens, besprekingsdiens en enige tegnologie wat dit ondersteun in, maar ons sal nie aanspreeklik wees vir enige skade of verlies van enige aard as gevolg van bestaande foute wat opgespoor word, of wat van tyd tot tyd mag voorkom, in Tripco-sagteware nie.
23.8
Ons sal nie aanspreeklik wees vir enige direkte of indirekte verlies of skade van enige aard wat opgedoen word as gevolg van die indringing (“hacking”) van Tripco-sagteware, beplande of onbeplande onderbrekings of die aksies van diensverskaffers.
23.9
Hiermee vrywaar jy ons en hou ons skadeloos in verband met enige eis wat uit enige indringing (“hacking”) of enige ander diensonderbreking voortspruit.
Kliek asseblief hier vir ’n kopie van die Tripco PAIA- en POPI-gids.
DANKIE!
Jou aansoek is ontvang.
Ons het 'n e-pos van bevestiging na die adres gestuur wat jy voorsien het. Kliek asb. op die skakel in die e-pos om in te teken en jou instansie te registreer.
Kyk asb. in jou gemorspos indien jy na 30 minute steeds nie die e-pos ontvang het nie.
JY HET REEDS BY ONS GEREGISTREER
'n Profiel is reeds met hierdie e-posadres geskep.
Teken met jou e-posadres in of verander jou wagwoord.
DAAR HET 'N FOUT INGESLUIP GEDURENDE DIE INTEKENPROSES
Jou aansoek is nie ontvang nie.
Hoekom probeer jy nie weer nie?