3A Annie's Place Rawdons Country Estate

Beskrywing

3A Annie's Place is 'n bekoorlike selfsorghuis op die veilige Rawdons Estate in Balgowan, Nottingham Road. Dit is in die welige, rustige KwaZulu-Natalse Middellande geleë.

Dié verblyf bied slaapplek aan 4 gaste en beskik oor 2 slaapkamers en 1 badkamer. Die eerste slaapkamer het 'n koningingrootte-bed en daar is 2 enkelbeddens in die tweede slaapkamer. Die gedeelde badkamer het 'n stort, toilet en 'n wasbak. Linne en badhanddoeke word voorsien.

Die kombui is met 'n stoof, oond, mikrogolf, broodrooster, ketel, eetgerei, breekware en 'n yskas-vrieskas toegerus. Die oopplan-sitarea en -eetarea het gemaklike sitplek en 'n slim-TV met DStv-kanale. Gratis WiFi is beskikbaar.

Die leefarea lei na 'n stoep met sitplek en 'n uitsig oor die tuin. Veilige parkeerplek is op die perseel beskikbaar. Die verblyf is naby restaurante, geriefswinkels en die Gowrie Farm Gholfbaan.