Het baie tuis gevoel. Ja, lekker gebly. Het net oorgeslaap. Ek is 21:00 vriendelik ontvang en 07:00 vriendelik en behulpsaam af gesê. Sou net verwag het dat die yskas aan was toe ek daar gekom het.

Baie teleurstellend. Dit is baie duidelik dat hierdie plek voorheen aan iemand anders behoort het wat baie liefde daarin gestort het. Die hele perseel is goed beplan en uitgelê. Ek kan dit ongelukkig nie aanbeveel nie en was inteedeel verbaas dat hierdie eiendom op die boeke is. Ek gee die volgende redes: Die tuin is vreeslik verwaarloos en die mooiste en duurste plante staan kurkdroog en soebat vir water. Ons kon sien dat die dooie punte van die plante met 'n skêr afgesny is. Daar is visdammetjies oral aangebring, maar die water daarin is swart. Die skuifdeur van die eenhede het geen plakker op nie en het ek persoonlilk twee keer baie hard kop gestamp daarteen. Tussen die badkamer en slaapkamer se gedeeltes is 'n vlak trappie en het my man amper geval toe sy voet daaraan hak. Geen waarskuwingsteken vir die trappie nie. Die kombuise lyk onversorg en ek wens ek kan die foto's laai wat ek geneem het. Die stort was ongelooflik vuil en het ons gegril om daar te stort. Daar is 'n TV, maar ons het geen ontvangs gehad nie en kon dus nie ons programme kyk nie. Ek en my gade is ou mense bo 70. Dit is beslis nie 'n plek vir ouer mense nie, aangesien daar ongelooflike steil trappe is waarteen mens moet opklim. Hierdie trappe was nie saans verlig nie en kon ons in die aand net met baie moeite by ons voertuig uitkom. Die nommer van die eienaar was nooit aan ons verstrek nie en kon ons hom nie vra om te help met bv. die TV nie. Daar is niks tekens van afronding met 'n sepie of iets dergliks vir gasvryheid nie. Toe ons inboek was die koffie-, tee-, en suikerhouer feitlik leeg. Ons kon geen WiFi- of internetbankdienste doen nie. Nie beskikbaar. Die plek was eerlik vir ons 'n teleurstellling.

Mooi uitsig, rustige woonbuurt. Die plek kort baie TLC. Skoon maar duidelike tekens van verwaarlosing. Plafonstorie in eetkamer hang los, nog 'n vorige partytjie se een jaar se ballon dryf rond op sitkamerplafon. Yskas binne erg geroes. Het wel lekker gebly. Plek ruik bietjie bedompig, maar dit is 'n probleem om vensters oop te los met stoute apies in die omtrek. Masango is vriendelik en behulpsaam.

Teleurstellend. Die plek was eens op 'n tyd lieflik gewees, maar tans word daar geen onderhoud aan die plek gedoen nie en dit is bitter verwaarloos. Vuil en bitter teleurgesteld gewees aangesien die foto's glad nie die ware prentjie is nie.