Beskrywing

Bothastreet Guesthouse bied oornagverblyf met 'n privaat ingang op die eienaar se perseel in die hartjie van Bothaville en is ideaal vir sakereisigers sowel as vakansiegangers.

Dié woonstel bied slaapplek aan 2 gaste en beskik oor 'n slaapkamer met 'n dubbelbed en 'n badkamer met 'n stort-oor-bad, wasbak en 'n toilet.

Hierdie woonstel het ook 'n kombuis wat met 'n stoof, oond, mikrogolf, yskas-vrieskas, eetgerei, breekware en tee- en koffiemaakgeriewe toegerus is. Daar is ook 'n sitarea met gemaklike sitplek. Gratis WiFi is beskikbaar.

Die verblyf is net 2 blokke vanaf die hoofweg. Veilige parkeerplek is op die perseel beskikbaar.