Sentrale woonstel, vriendelike gasvrou maar ongemaklike meubels. Jana is baie vriendelik en altyd gretig om te help. Ons het 'n paar probleme gehad, onder andere: ons het geen sleutel ontvang by aankoms nie, ons kussings was baie pap en die WiFi het halfpad deur die verblyf die gees gegee. Jana was elke keer gretig en vinnig om te help. Ons verblyf was ook kortgeknip met een dag en Jana was bereid om die koste vir daardie dag terug aan ons te besorg. Woonstel is ideaal geleë en is binne stapafstand van winkels, restaurante en so 1 km weg van die strand. Die woonstel het wel baie ongemaklike meubels, die sitbank is baie pap en bied geen ondersteuning nie en die bed is kliphard (ongelukkig nie iets wat dadelik reggestel kon word nie). Nog 'n probleem wat ek ervaar het, is vismotte; ek het op ons eerste aand 'n paar vismotte teëgekom. Ek het gelukkig motbolle gehad en deur die woonstel gestrooi en hulle het vinnig verdwyn.