Fantasties - die huis - die diere - dit was net wonderlik. Ons was as gesin daar - my pa (93) en ma (80) en ons 4 kinders waarvan nog net my broer getroud is. Die 3 sussies is almal weduwees.

Baie skoon en netjies, alles wat mense wil hê is daar! Dit was baie lekker, kamers is netjies, groot, skoon, die stoep is 'n baie lekker plek om te kuier. Waarde vir jou geld!

Awesome verbly! Hoe lekker was dit nie om in 'n huis te bly wat net soos die foto's is nie, net beter! Die stilte van die bos, die diere wat by die huis kom eet, die samesyn saam met vriende was net heerlik. Ons beveel beslis hierdie huis aan om in te gaan ontspan. Beter gaan jy nie sommer in Leeupoort vakansiedorp kry nie!

Khutule. Wat ’n aangename verrassing! Van die oomblik dat ons by Khutule aangekom het en vriendelik deur Jackie ontvang is, tot en met ons vertrek, was dit net ’n plesier. Waarlik “Khutule” — stilte om ons. Die verblyf is puik en netjies, met alles wat ’n mens nodig het om behoorlik te ontspan en die natuur te beleef. Ons het sommer al die boksoorte reg op ons voorstoep gehad! Julle sien ons beslis weer.

Heerlike wegbreek wat 100% aanbeveel word. Sal definitief weer bespreek. Pragtige verblyf. Goeie ligging. Vriendelike diens.

Die wonder van die natuur vanuit die gerieflikste uitkykpunt! Wat 'n ongelooflike paar dae in die bos. Die diere wat ons baie bederf het met hulle konstante teenwoordigheid, ons kon hulle darem bedank en bederf met lekker boskos en 'n verskeidenheid vars groente. Selfs in die aand het ons die muskeljaatkat gehad wat kom kuier. Die hoogtepunt was egter vir seker die ystervark wat ook saans kom groet en peusel het. Die pad Leeupoort toe is tans onder konstruksie so daar is etlike Stop & Go's vanaf Warmbad/Bela Bela se kant (ongeveer 5, waar die wagtyd omtrent 15 min by elk is). Dit voeg ongelukkig baie tyd by, maar natuurlik is dit nie Kuthule se skuld. Ten spyte van die ekstra tyd in die kar, was die aankoms by Kuthule werklik die wag werd. 'n Pragtige huis, wow! Ons het sommer dadelik tuis en gemaklik gevoel. Die huis was baie netjies en skoon en het regtig alles wat mens nodig het (behalwe dalk 'n Airfryer). Jackie was 'n fantastiese gasheer en sy was so geduldig met my wat al weke voor ons besoek gereeld vrae gehad het; sy het altyd geantwoord. Ek sal vir seker weer wil teruggaan en sal dit beslis aanbeveel as jy die bos en die interaksie met die diere geniet.

Beste verblyf in Leeupoort. Ons het al op 'n paar plekke in Leeupoort gebly. Kuthule staan vir seker bo almal uit. Die swembad en geriewe is topklas.

Uitstekende plek met alles wat jy nodig het. Heerlik gekuier. Heerlik, heerlik, heerlik. Plek was skoon, netjies en gerieflik. Van wasmasjien tot skottelgoedwasser. Gasvrou uitstekend en goed georganiseer. Plek is pragtig.

Ontspannend rustig lewensbelewenis. Vreeslik lekker gekuier, huis is baie netjies en baie goed ingerig. Selfs as dit reën is daar heelwat om te doen. Privaat swembad is 'n super pluspunt. Sal beslis weer terug wees.

Kuthule was a little piece of heaven on earth. Kuthule exceeded all our expectations and more. The house was large and comfortable, very neat, clean and tidy. Suitable for young and old. It was a total pleasure staying here, and will definitely book again and tell friends and family about Kuthule. Thank you, Jackie, for an awesome and memorable weekend.