Asemrowende uitsig - Weg van die stadsgewoel. Ons is baie vriendelik ontvang deur Mia, en sy was net 'n oproep ver indien ons iets wou weet of nodig gehad het; sy het onmiddellik daaraan aandag gegee. Vir ons was dit 'n nuwe ervaring. Die tentflap wat kon oopmaak en die gevoel dat mens buite slaap, was ongelooflik. Die personeel by die restaurant was ook baie vriendelik. Ons sal regtig weer daar gaan oorbly.

Vinnige wegbreek vir twee nagte. Baie lekker en gemaklik gebly in rustige omgewing. Mia was baie behulpsaam.

Met die uitdagings het ons onvervangbare herinneringe gebou. Die vooraf kuier by Meerhof kelder was fantasties gewees. Hulle Merlot was vol op die neus en baie aangenaam, een van die beteres wat ons al geproe het. Hulle pita brood was fantasties, sekerlik onder ons top 5. Die diens kan ons ook nie oor kla nie. Mia was ons gasvrou, baie aangenaam en niks was vir haar te veel moeite nie. Ons was gereeld in kontak met haar voor ons aankoms, so ons verwagting van die blyplek was alreeds geset. Die foto's op die webtuiste het ons nog meer opgewonde gemaak vir die naweek. Die rustigheid, uitsig van die afgeoeste koringlande en stilte rondom die Glans Tent is priceless. 'n Mens raak daar nederig, kry voedsel vir jou siel en besef hoe klein jy werklik is. Al die basiese noodsaaklikhede is daar, 'n binne- en buitebraai met genoeg vuuraanstekers. Jy kry 2 sakke hout, te min as jy die warmbad moet stook, maar hout is te koop by die restaurant. Die Glans Tent in geheel het beter dae al gesien; opknapping is nodig. Die een venster aan die sy is stukkend (dit was al vantevore in 'n ander terugvoer genoem), 'n paar vensterhandvatsels is stukkend, daar is skoonmaakdienste wat moet skoonmaak voor die volgende mense inkom, dit word nie behoorlik gedoen nie. Die matras kan vervang word, asook 'n oortreksel vir die een wat onder die bed is. Krag was nooit 'n probleem gewees nie, so ook warm water aangesien daar gas is, maar om die regte balans te kry tussen warm en koud was baie moeilik aangesien die waterdruk baie wisselvallig was; dan is dit te warm en skielik weer te koud. Jy is in die pragtige natuur, daar is vlieë, so bring maar spuitgoed saam; hulle gee ook net vir ingeval jy nog nodig sal kry. Die warmbad se water moet verkieslik na elke besoek gedreineer word aangesien daar nie chloor is nie. Hierdie is 'n bekostigbare wegbreek, al het dit sy uitdagings. Hierdie kan waarlik 'n gesogte wegbreekplek word as die nodige aandag daaraan gegee word. Besoek gerus die 8 Mile Village vir 'n koffie, bier en iets om te eet; dit is net so 3 km op die pad na Riebeek Kasteel toe, net so links as jy die pas afgaan.