Lekker Karoo-kuier. Om by die Jordaans tuis te gaan, is soos om te gaan kuier by mense wat jy ken, maar net lanklaas gesien het. Van die oomblik dat ons daar aangekom het, het ons welkom en tuis gevoel. Die gasvryheid en vriendelikheid van die eienaars staan werklik uit - opregte mense wat moeite doen om seker te maak dat hul gaste gelukkig en gemaklik is. Ouma Jossie se huis is netjies, skoon en lekker ruim. Ons was ’n groep van agt volwassenes wat gemaklik kon kuier sonder om in mekaar se pad te wees. Dit is veral die aandag aan detail om gaste warm en gemaklik te hou wat mens waardeer. Daar is verwarmers, elektriese komberse en warm storte. Alles wat ’n mens op ’n koue Sutherland-winteraand nodig het. Die sagte, warm flennie-winterbeddegoed is ekstra welkom. Ouma Jossie se huis is nie bloot ’n plek om te oornag nie. Dit is ’n kuier by goeie mense in ’n warm, gemaklike Karoo-huis. Jy kom miskien daar aan as ’n gas, maar jy vertrek met die gevoel dat jy by hartsvriende gaan kuier het.

Baie gerieflike verblyf met baie vriendelike gasvrou, wat ons baie bederf het. Baie lekker verblyf in mooi natuurlike landskap.

Dit was ’n ongelooflike wegbreek uit die gejaagde lewe. Ja, dit was rustig en stil. Die eienaars was baie gasvry en vriendelik.

Pragtige, netjiese huisie met so mooi geskiedenis. Heerlik gekuier in die kombuis met die binnebraai, koue aand maar ons was heerlik warm. Pragtige huis en heerlik op die plaas gestap.

Rus vir die siel. Baie vriendelike eienaars. Mooi skoon en netjies.

Ideale plek om jou batterye te herlaai. Ons het lekker gespeel, gestap, gebraai, gesels, geslaap en gelees. En sterre gekyk van die stoep af. Ouma Jossie se huis is volledig toegerus en die "krag-komberse" (soos ons 6-jarige dit genoem het) was 'n wenner in die koue aande.