Beskrywing

Ramsgate Palms 70 is op die tweede verdieping van 'n eksklusiewe woonstelblok teen Ramsgate se Blouvlagstrand geleë. Dié woonstelblok word goed onderhou en is omring deur welige tropiese plante.

Ramsgate Palms 70 het slaapplek vir 6 gaste en beskik oor 3 slaapkamers en 2 badkamers. Die hoofslaapkamer het 'n koningingrootte-bed en 'n en suite-badkamer met 'n stort, 'n toilet en 'n wasbak. Die tweede slaapkamer het 'n dubbelbed en die derde slaapkamer het 2 enkelbeddens. Dié 2 kamers deel die tweede badkamer wat oor 'n bad, 'n stort, 'n toilet en 'n wasbak beskik.

Die kombuis is toegerus vir selfsorg met 'n yskas, 'n stoof en 'n oond, 'n mikrogolfoond, koffie- en teemaakgeriewe, eetgerei en breekware. Die leefarea het gemaklike sitplek en 'n TV met 'n DStv-koppelpunt. Gaste moet asseblief hul eie DStv-dekodeerder, slimkaart en afstandbeheer saambring om die DStv te kan geniet.

Daar is asemrowende see-uitsigte vanaf 2 van die slaapkamers, die leefarea en die kombuis.

Die balkon beskik oor 'n houtskoolbraaier en daar is pragtige uitsigte oor die Indiese Oseaan. Die kompleks het 'n gemeenskaplike swembad, braaigeriewe, onderdak-parkeerplek en wasgoed-geriewe.

Internasionale Blouvlag-status word toegeken aan uitsonderlike skoon, omgewingsvriendelike strande, met ewe skoon seewater en ablusiegeriewe. Dié strande moet ook altyd lewensredders aan diens hê en daar moet parkeerplek en eetplekkies naby wees.