Uitstekend! Ons het ongelooflik lekker gebly by River 32. Annetjie is werklik ’n dierbare mens. Met ons aankoms het elkeen selfs sjokolade op die bed gekry, ’n baie oulike bederf. Die plek het alles wat ’n mens nodig het. Dit is baie skoon en netjies, en ons het heerlik gekuier. Die binnenshuise braai-area bo is definitief ’n groot bonus, veral wanneer dit koud raak. Ons het ook self vis gevang by die rivier, wat die ervaring nog meer spesiaal gemaak het. Alles was eenvoudig net baie lekker en ongelooflik mooi. Annetjie is baie vriendelik en behulpsaam; sy het selfs aangebied om vir ons goed by die winkels te gaan haal. ’n Wonderlike plek wat ons beslis weer sal besoek!

Ideaal vir rus en vrede weg van die stad se lawaai. Baie mooi, veilige, skoon en rustige plek. Alles wat nodig mag wees, is beskikbaar.

Absoluut heerlik! Ons het regtig baie lekker gebly. Dit was nie lank nie, maar die plek se netheid en die vriendelike en gawe diens van die opsigter het mens sommer welkom en ontspanne laat voel. Alles wat ons nodig gehad het, was daar. Ons sal beslis weer wil terugkom.

Gemoedsrus stilte en rustigheid. Fantastiese mooi plekkie, rustigheid vir seker by die eenheid. Gashere baie behulpsaam gewees om ons so gemaklik en tuis as moontlik te laat voel.

Goeie waarde vir geld. Kan hierdie akkommodasie beslis aanbeveel. Ons het baie lekker gebly en was tevrede met alles.

Uitstekende verblyf met ’n hartlike welkom. Ons verblyf was uitmuntend van begin tot einde. Ons is baie hartlik verwelkom, en ons versoek om vroeër in te klok en 'n ekstra sleutel te kry is sonder enige moeite – én met ’n glimlag – goedgekeur. Die gasheer het selfs die DStv vir ons aangesit sodat ons die rugby kon kyk, wat vir ons ’n groot pluspunt was. Ek sal hierdie verblyf beslis aanbeveel vir enige iemand wat vriendelike diens, gemak en ’n warm ontvangs waardeer.

Pragtige ruim verblyf in rustige natuurskoon. Ons het heerlik gebly. Vriendelike ontvangs en pragtige plek. Ons wil sommer klaar weer bespreek.