Sal Rus & Herlaai in B/baai nie weer besoek, wel die area, maar ander verblyf. Ons keer net terug van verblyf van 10 dae by Rus & Herlaai. Dit was nie te skoon met aankoms nie; ons kan merk dat die plek net voorlangs skoon gemaak was na vorige gaste se plek onruim het. Verwys spesifiek na die yskas wat nie skoon gemaak was nie en nog van vorige gaste se goed in die vrieskas agtergelaat was. Uitsig was werklik pragtig, maar geensins privaat. Die buite area was uiters onnet met ou tuingereedskap wat nie meer in gebruik is en net rondle.

Definitief aan te beveel. Ons het baie lekker gebly. Die rustige atmosfeer en pragtige uitsig was net die regte medisyne. Die verblyfplek is volledig toegerus, met 'n paar lekker ekstra items wat mens nie sou verwag nie, maar wat jou vakansie soveel meer genotvol maak. Die skottelgoedwasser en die tuimeldroeër was veral 'n lekker bederf. My vrou en dogter het van die leesboeke verslind. Die buite-stort het baie gehelp om die seesand uit die huis te hou. Hanna is baie vriendelik en gasvry, en net 'n oproep of 'n teksboodskap ver om raad te gee of hulp te verleen.

Netjies en skoon by 'n pragtige strand. Baie lekker gekuier. Akkommodasie is prakties en baie netjies met maklike toegang toe die strand in 'n veilige omgewing. Sal beslis aanbeveel.