Seas the Day Apartment

Beskrywing

Seas the Day is 'n selfsorgwoonstel in die kusdorpie Scottburgh en dit is ideaal vir 'n onvergeetlike wegbreek saam met familie of vriende aangesien dit net 'n entjie se stap vanaf die Park Rynie-strand en 3,1 km vanaf Scottburgh-strand is.

Die ruim woonstel bied slaapplek aan 4 gaste en beskik oor 2 slaapkamers met dubbelbeddens en 'n badkamer met 'n stort, wasbak en 'n toilet. Alle linne en badhanddoeke word voorsien.

Die oopplan-leefarea het 'n kombuisie wat met 'n yskas, mikrogolf, stoof, oond, eetgerei, breekware, 'n broodrooster en koffie- en teemaakgeriewe toegerus is. Daar is ook 'n toonbank met stoeltjies en langsaan is daar 'n gemaklike rusbank en 'n werkstasie. Gratis WiFi word voorsien.

Buite is daar 'n privaat stoep met gemaklike sitplek en 'n braai-area. Gaste het ook toegang tot 'n gemeenskaplike swembad.

Die woonstel is naby geriewe en besienswaardighede geleë en bied maklike toegang tot T.C. Robertson Natuurreservaat wat 3,3 km ver is en Crocworld wat 7,1 km ver is. Die eiendom spog met 'n 5000 L-rugsteunwaterstelsel en meer as 10KVA rugsteunkrag wat ononderbroke elektrisiteit tydens kragonderbrekings verseker.