Beskrywing

Sie-Esta no. 5 is 50 m van die strand af geleë en bied gehalte-vakansieverblyf vir 'n gesin of groep vriende. Dit is binne maklike bereik van talle winkels, restaurante, gewilde swemstrande en besienswaardighede. Die kompleks is tussen Manaba en Margate se hoof-swemstrande geleë.

Die woonstel bestaan uit 3 slaap kamers en bied slaap plek vir tot 6 volwassenes. Die hoofslaapkamer het 'n dubbelbed, 'n en suite-badkamer en 'n balkon. Die hoof slaapkamer het ook 'n kluis. Die ander 2 slaap kamers het elk 2 enkel beddens.

Die kombuis is toegerus met 'n stoof, oond en 2 aparte yskas-/vrieskaskombinasies, mikrogolfoond, lugbraaier, koffie- en teemaakgeriewe, breekware en eetgerei, 'n wasmasjien, tuimeldroër, broodrooster en kis vrieskas.

Die sitkamer het gemaklike rusbanke, sowel as 'n TV met DStv Explora met toegang tot alle kanale. Die oop plan eet area het 'n eetkamer tafel met sitplek vir 6 waar gaste hul maaltye saam kan geniet. Tuin meubels en 'n Weber-braai is ook beskikbaar.

Daar is lieflike braaigeriewe beskikbaar by die swembad vir gaste se gebruik tydens hul verblyf. Die eenheid het sy eie privaat tuinarea. Gaste kry veilige, onderdak parkering vir 2 voertuie per eenheid op die perseel. Die kompleks het slegs 5 eenhede en 'n groot swembad.

Die kompleks is veilig, maar het ook elektriese heinings.

Verskeie wêreld klas gholfbane in die area, wat bane insluit soos Southbroom, San Lameer en Wild Coast.
Margate gholfbaan is ook in die dorp.

Die kompleks is loop afstand van verskeie restaurante af, maar Gauteng besoekers let wel dat die winkels hier bietjie vroeër sluit in die aand as in Gauteng.