Beskrywing

Skoene Uit @ Hillside bied gerieflike oornagverblyf op dieselfde perseel as Hillside Guesthouse, maar is privaat en apart van die hoof-eenheid. Skoene Uit @Hillside is 'n selfsorgeenheid en daar is gratis parkeerplek onder 'n skadunet-afdak.

Dié ateljee-eenheid is geskik vir 2 gaste en het 2 enkelbeddens en 'n en suite-badkamer met 'n stort, toilet en wasbak. Die kombuis is met 'n yskassie, mikrogolf, tee- en koffiemaakgeriewe en 'n gasstoof toegerus.

Verder is daar 'n TV met Openview-kanale en HDMI-opsies vir Netflix en Disney+. Gaste moet hul eie intekenbesonderhede gebruik. Gratis WiFi is beskikbaar. Daar is alternatiewe krag beskikbaar tydens beurtkrag wat die WiFi en sekuriteitskameras aandryf. Sonkragligte is aangebring om die erf te verlig.

Buite is daar 'n stoep met sitplek en braaigeriewe. Dié eenheid is die ideale oornagstop vir gaste op pad na hul bestemming of gaste wat 'n paar dae se besoek aan die besonderse dorp wil aflê.