Veilige rustige. Ja, die probleme wat wel daar was, het ek met die eienaar bespreek. Glo dit sal opgelos word.

Rustigheid. Ons het heerlik gebly. Pragtige plek. Die stilte en uitsig is besonders.

Mooi gerieflike plaas akkommodasie. Ons het een nag by Plaasstoep gebly. Die akkommodasie het aan al ons verwagtings voldoen. Die huis is omhein wat dit 'n uitstekende hondevriendelike omgewing maak, asook vir veiligheid. Die in- en uitklok was baie gerieflik, want die gasvrou het vir jou die pin gestuur vir die boksie waar die sleutel gestoor word, asook die aanwysings en inligting per WhatsApp. Daar was onderdak parkeering naby en die in- en uitpak was maklik. Die dubbelbed was oortrek met wit linne en daar was groot wit badhandoeke in die badkamer. Daar was ook seep by die wabak. Die water was gou warm en jy kon 'n lekker warm stort geniet. Die kombuis het alles ingehad wat jy nodig het vir 'n gerieflike verblyf. Die yskas was ook lekker groot. Wat ons die meeste geniet het, was die lang onderdakstoep met 'n ingeboude braai. Daar was 'n tafel en stoele waarby jy gemaklik kon bysit en eet en die uitsig geniet. Jy moet jou eie braai hout voorsien. Daar was Wi-Fi wat goed gewerk het. Ons het ons verblyf baie geniet, en sal eendag graag weer daar wil bly.

Lekker oornag stop in Bloemfontein. Die rustigheid net buite Bloemfontein is fantasties. Na 'n paar ure op die pad was dit baie lekker om op die stoep te sit en kyk hoe die son sak.

NA. Ons het lekker gebly, daar kort aandag aan die netheid.

Teleurstellend, ongemaklik, primatief. Geen hout vir braai, vuurhoutjies of ligter. Geen vleis bak, geen sout. Kombuisgeriewe is baie primatief, die opwas is hopeloos te klein. Stoep is pragtig, maar daar is geen behoorlike stoele. Net harde staalstoele, sekerlik wil jy gemaklik sit en die plaasstoep geniet. Beddegoed is lae kwaliteit en ons het glad nie lekker geslaap nie. Die hele ervaring was ongemaklik en teleurstellend. Na 'n lang dag se reis wil jy gemaklik wees en voel. Ons het vroeër gery omdat ons so ongemaklik oorgebly het.

Stil, gerieflik. Dit was 'n lieflike, rustige bly. Ek het op pad Pretoria toe en terug daar gebly en sal weer bespreek wanneer ek deur Bloemfontein gaan.

Wegbreek naweek. Dit is die lekkerste, stilste wegbreek plekkie. Voel nie eers of jy naby aan die stad is nie. Dit was bitter koud, maar ons het snoesig geslaap. Ek sal vir seker aanbeveel vir 'n rus en quality time naweek aanbeveel. Geen TV om mens se aandag van mekaar af te trek nie.