Baie lekker plek met pragtige uitsig. Dis so regte huisie by die see met alles wat mens nodig het en baie gerieflik. Voel soos mens se eie familiehuis.

Belaglik! Hi, Michelle. Ilze Kirsten hier, Christiaan, wat vroeër met jou gepraat het oor die Vleesbaai Rustic Beach House-verblyf, se vrou. Ek het tot my verbasing gehoor dat die eienaar nie ons wil refund of met 'n nuwe datum wil akkommodeer vir die naweek wat ons nooit gehad het nie, a.g.v. die hele Vleesbaai se krag wat uitgeslaan was met die stormweer. Ek het van Vrydagoggend af met Johan Greeff kontak gehad oor die verblyf, en toe ek vir hom noem dat, indien die krag nie gaan aankom nie, ons dan maar eerder dalk moet herskeduleer. Ons het deur die loop van die middag steeds kontak gehad, en nooit het hy genoem dat, indien ons NIE daar gaan bly nie, ons al ons geld gaan verloor wat ons reeds ten volle betaal het nie. Ek het moeite gedoen om mense in Vleesbaai te bel om te hoor oor die krag, en toe het hulle laat weet dat die krag uiteindelik aangekom het. Ons het gretig begin pak. Ons het ná werk gery en ongeveer 17:45 daar aangekom, net om uit te vind die krag was WEER af (Eskom kon die fout natuurlik nog nie 100% herstel nie). Ons het besluit dat indien die krag NIE teen 18:30 sou aankom nie, ons nie wou sukkel in 'n vreemde huis in uiterste donkerte nie (almal se fone was na aan pap teen daai tyd van die dag, so ons sou nie eers daarmee lig kon maak nie!). Tussendeur ons gesprekke het hy nooit die idee gegee dat hy ons nie sou herskeduleer of terugbetaal nie. Waarom stilbly en nie oop kaarte speel nie? Net ná 18:00 het ek hom laat weet wat ons plan sou wees indien die krag nie aankom nie, en sy enigste reaksie was dat hy duim vashou. Wat stel jy voor in hierdie situasie? Dink die webtuiste dis regverdig van die eienaar om ons geld te neem vir iets wat ons nie kon benut nie? Ons hoor graag van julle. Vriendelike groete.

Die ligging was fantasties en het in 'n mate vergoed vir die ander gebreke. Die advertensie op julle webblad is baie misleidend. Die hoofhuis het 3 slaapkamers waarvan 1 bitter klein is. Die enkelbed het net-net daarin gepas. Daar was ook net 1 stort en toilet in daardie gedeelte. Die sogenaamde hoofslaapkamer is 'n buitekamer op 'n tweede vloer met trappe langs die kant van die huis. Hierdie buitekamer het wel 'n en suite-badkamer gehad. Ons het 'n 4-slaapkamerhuis verwag, nie 'n drieslaapkamerhuis met 'n buitekamer nie. Daar behoort ook melding gemaak te word van die gebrek aan parkeerruimte. Ek sal wel die huis aanbeveel, hoofsaaklik weens sy ligging, maar ek sal ook vir die mense vertel dat die huis nie korrek beskryf word nie.

Heerlik, rustig met die beste uitsig op die see! Ons het heerlik gekuier, gestap en geswem. Lieflike, skoon strande met vriendelike mense!