Beskrywing

Wood Owl Cottage is op die onderste verdieping van die eienaar se woning en het 'n klein tropiese tuin net 500 m vanaf Southbroom se hoofstrand.

Dié ruim woonstel bied slaapplek aan 2 gaste en beskik oor 1 slaapkamer, 1 badkamer, 'n kombuis en 'n leefarea. Die slaapkamer het 'n koninggrootte-bed en oorgenoeg kasruimte. Die en suite-badkamer met 'n uitsig oor die tropiese tuin, het 'n bad, stort, toilet en wasbak. Linne en badhanddoeke word ook voorsien.

Die oopplan-kombuis is met 'n yskas-vrieskas, stoof, oond, mikrogolf, skottelgoedwasser, wasmasjien, eetgerei, breekware, asook 'n Nespresso-koffiemasjien toegerus.

Gaste kan hul maaltye by die etenstafel geniet en die area lei verder na die sitarea met 'n sitkamerstel. Daar is 'n platskerm-TV met Netflix, en gratis WiFi is ook beskikbaar. Die stapeldeure lei na die stoep en swembad waar gaste op 'n warm dag kan afkoel. Veilige parkeerplek is beskikbaar, asook laserstrale en 'n alarm.

Die South Coast Mall en Shelly-sentrum is naby, en die Southbroom Tennisklub is ongeveer 1,5 km ver. Die Southbroom 18 putjie-gholfbaan is net 700 m ver en het 'n restaurant op die perseel.