Geverifieerde Resensie
Bethulie
Al die resensies is deur LekkeSlaap-gaste geskryf wat in Bethulie bespreek het
Hierdie plek het 'n gemiddeld van 4 uit 5 gekry volgens 161 resensies.
"So 'n geskiedkundige dorp met swak/geen aanwysings na die plekke wat dit die moeite werd maak om te besoek! Bethulie, jou talente is almal onder die maatemmer weggesteek!"
"Make the detour to Bethulie: experience the peace, walk the longest bridge and make friends with Rosh and Josh and Einstein (the dogs). Loved it. Sumptuous bedding. Veggie meals can do with a bit of an update."
"Die Pellissier Museum was heeltyd toe; sou nogal lekker gewees het om dit te gaan besigtig."
"Die dorp self is pragtig met die breë strate en ou huise. Dis net jammer die paaie is nie baie goed in stand gehou nie en 'n mens moet maar versigtig ry tussendeur die slaggate. Afgesien daarvan is Bethulie 'n pragtige dorp met vriendelike mense en pragtige natuurskoon. "
"Gaan oor sy geskiedenis, en reisigers moet bereid wees om so 25 km se afdraai te maak. Absoluut die moeite werd."
"Besoek die langste brug in SA, Kampkerhof. Oor die algemeen 'n baie rustige en stil dorpie."
"Dit is 'n interessante ou dorpie om vinnig te verken. Daar lê baie geskiedenis opgesluit oor die konsentrasiekampe, ens. Die Hennie Steyn-brug is baie indrukwekkend."
"'n Besoek aan die Hennie Steyn-brug om die sonsondergang te beleef is 'n moet. 'n Besoek aan die konsentrasiekamp begraafplaas is baie hartseer. Die Ou Kar restaurant met sy smaaklike etes, billike pryse en lekker mense is 'n absolute positief."
"Bethulie het ryk geskiedenis en moet beslis besoek word. Die omgewing is rustig en baie mooi."
"Bethulie is 'n outentieke Karoodorpie vol sjarme en vriendelike mense. Sit dit op jou plattelandse emmerskop-lysie!"
"Stil dorpie, goed vir geskiedenis-liefhebbers. Word netjies gehou. Kuierplekke gewild onder die inwoners en reisigers. Sluit in by jou reisplan."
"Dit was ons eerste besoek aan Bethulie en ons het nie van die boogbrug oor die Oranjerivier geweet nie. Ook nie van die Kampkerkhof waar baie ouers en klein kindertjies in die konsentrasiekampe vir volk en vaderland gesterf het nie. Dit was wonderlik om dit te besoek. Ons moes egter soek vir aanwysings en moes vir iemand in die dorp die aanwysings vra."
"Bethulie is 'n baie oulike dorpie met baie geskiedenis. Regte boeregemeenskap wat gasvry is. Baie rustig en stil. "
"Net een aand oorgeslaap, maar dink die pragtige omgewing het potensiaal as dit bemark word. Baie mense weet nie waar dit is nie. Ek sal graag terugkeer."
"Dit sou wonderlik gewees het om voor die tyd meer te geweet het van Bethulie se besieningswaardighede sodat ons tyd kon inruim om bietjie langer oor te bly en nog meer te kon sien. Aan die anderkant miskien kan ons nou 'n tweede keer daar 'n draai gaan maak. "
"Trudie van die museum was baie behulpsaam met inligting oor die area en die konsentrasiekampe, asook die monumente in die area. Sal graag langer tyd in die area wil bly. Dis ryk aan Afrikaner-geskiedenis. "
"Bethulie is 'n klein plekkie, geen gejaag of lawaai nie. Baie ou geboutjies met heelwat geskiedenis. Ons was ongelukkig laat op 'n publieke vakansiedag daar en kon nie dit ten volle geniet nie. Skoon, rustig en netjies. Baie veilig. Eg platteland."